وزیر اعظم شہباز شریف نے جناح ہاؤس لاہور کا دورہ کیا ہے۔
وزیر اعظم شہباز شریف نے نگران وزیر اعلی پنجاب محسن نقوی کے ہمراہ جناح ہاؤس کا دورہ کیا۔ وزیر اعظم شہباز شریف نے جناح ہاؤس میں شرپسندوں کے ہاتھوں توڑ پھوڑ پر افسوس اور عسکری قیادت سے اظہار یکجہتی کیا۔
وزیراعظم شہباز شریف نگران وزیر اعلی پنجاب کے ہمراہ سی ایم ایچ لاہور کا دورہ بھی کریں گے جہاں وہ زخمی اہلکاروں کی عیادت کریں گے۔
مزید براں وزیر اعظم شہباز شریف چیف سٹی آفس میں اہم اجلاس کی صدارت بھی کریں گے۔ اجلاس میں پنجاب میں امن و امان کی صورتحال پر وزیر اعظم کو بریفنگ دی جائے گی۔
