سیاسی کشیدگی: مریم نواز کے بیان پر پیپلز پارٹی کا سینیٹ اجلاس سے پھر واک آؤٹ

پیر 6 اکتوبر 2025
icon-facebook icon-twitter icon-whatsapp

پاکستان پیپلزپارٹی اور مسلم لیگ ن کے درمیان کشیدگی میں کمی نہ ہو سکی۔ وزیراعلیٰ پنجاب مریم نواز کے بیان پر پاکستان پیپلزپارٹی نے ایک بار پھر سینیٹ اجلاس سے احتجاجاً واک آؤٹ کردیا۔

ایوان میں خطاب کرتے ہوئے پاکستان پیپلزپارٹی کی سینیٹر شیری رحمان نے وزیراعلیٰ پنجاب مریم نواز کے بیان پر شدید احتجاج کرتے ہوئے کہاکہ جس طرح کی زبان استعمال کی گئی میں ایسا جواب نہیں دوں گی، اور اس کے بعد پیپلز پارٹی کے ارکان واک آؤٹ کر گئے۔

یہ بھی پڑھیں: سیاسی کشیدگی: مسلم لیگ ن اور پیپلزپارٹی کا افہام و تفہیم کے ذریعے مسائل حل کرنے پر اتفاق

اس موقع پر گفتگو کرتے ہوئے وفاقی وزیر قانون سینیٹر اعظم نذیر تارڑ نے کہاکہ ہم پیپلز پارٹی کے دوستوں کو منا کر واپس ایوان میں لائیں گے، اپوزیشن کو زیادہ خوش ہونے کی ضرورت نہیں، جس طرح موسم بدلا ہے ایسے ہی سیاسی موسم بھی بدل جائےگا۔

واضح رہے کہ حال ہی میں وزیراعلیٰ پنجاب مریم نواز نے پیپلز پارٹی پر تنقید کرتے ہوئے کہا تھا کہ اپنے مشورے اپنے پاس رکھیں، ہر مسئلے کا بینظیر انکم اسپورٹ پروگرام نہیں ہے، اس کے بعد سے دونوں جماعتوں کے درمیان کشیدگی شروع ہوگئی، خصوصاً سندھ اور پنجاب کی حکومتیں آمنے سامنے ہیں۔

وزیراطلاعات پنجاب عظمیٰ بخاری کوئی بیان جاری کرتی ہیں، تو سندھ سے شرجیل میمن اور دیگر کی جانب سے جواب آ جاتا ہے۔ عظمیٰ بخاری نے شرجیل میمن کا مناظرے کا چیلنج بھی قبول کرلیا ہے۔

دوسری جانب صدر مملکت آصف علی زرداری نے بھی اس سیاسی کشیدگی کا فوری نوٹس لیتے ہوئے وفاقی وزیر داخلہ محسن نقوی کو کراچی طلب کرلیا ہے، جہاں اس حوالے سے مشاورت کی جائےگی۔

یہ بھی پڑھیں: سندھ اور پنجاب کشیدگی، صدر آصف زرداری نے وزیر داخلہ محسن نقوی کو فوری کراچی طلب کرلیا

ذرائع کے مطابق سابق وزیراعظم نواز شریف نے اس معاملے پر وزیراعلیٰ پنجاب مریم نواز کے مؤقف کی حمایت کرتے ہوئے کہا ہے کہ انہیں اپنے صوبے کے حوالے سے کسی بھی بات کا جواب دینے کا پورا حق حاصل ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

انوار الحق کاکڑ کی شکایت پر شاہد میتلا گرفتار، اس میں حکومت کا ہاتھ نہیں، سابق نگراں وزیراعظم

بابراعظم کی فارم پر سوالوں کی بوچھاڑ، کوچ مائیک ہیسن کا پارہ ہائی

آزاد کشمیر میں ترقیاتی انقلاب لانا چاہتے ہیں، شہباز شریف منصوبوں پر فوری کام شروع کریں، میاں نواز شریف

بھارتی خفیہ ایجنسی را کے اہلکار بیرون ملک قتل کے علاوہ ہتھیاروں اور  منشیات کی اسمگلنگ میں  بھی ملوث ہیں، انڈین جریدے  ’دی وائر‘ کے انکشافات

مریم نواز کا آزاد کشمیر حکومت کو پولیس اصلاحات، عوامی رسائی اور منصوبوں کی مسلسل نگرانی کا مشورہ

ویڈیو

پیپلز پارٹی جب پنجاب کی تقسیم کی حامی ہے تو سندھ میں صوبے بننے کی مخالف کیوں؟ ملک احمد خان کے بلاول بھٹو سے سوالات

اپر دیر میں زرعی شعبہ زبوں حالی کا شکار، محکمہ زراعت میں عملے کی شدید قلت، کاشتکار مشکلات سے دوچار

دہشتگردوں کو 3 ماہ کی مہلت ہے، انکار پر سیکیورٹی فورسز کارروائی کریں گی، محمود جان بابر

کالم / تجزیہ

عمران خان کا خط

بھارتی ٹیم جیت گئی، بھارتی سوچ ہار گئی

ڈیل ہو جائے گی؟