محکمہ تعلیم سندھ نے کیمبرج کی کتابوں میں شاٸع شدہ قابل اعتراض مضامین اسکولوں میں پڑھانے پر پابندی عائد کر دی۔
ایڈیشنل ڈاٸیریکٹر پراٸیویٹ اسکولز رفیعہ ملاح کے مطابق کیمرج کی اولیول کی سوشیالوجی کی کتاب میں ”ہم جنسی“ سے متعلق مضمون موجود ہے جبکہ مطالعہ پاکستان کی کتاب میں ”ہسٹری اینڈ کلچر آف پاکستان“ کا مضمون تاریخی اعتبار سے بے بنیاد ہے۔
ایڈیشنل ڈاٸیریکٹر کا کہنا ہے کہ اس طرز کے مضامین کا پاکستان کے کلچر سے تعلق نہیں۔
رفیعہ ملاح کے مطابق پبلشرز اور اسکولز نے حکومت سندھ کی منظوری کے بغیر یہ مضامین کورس میں شامل کیے ہیں، اس لیے سندھ بھر کے تمام نجی اسکولوں کو یہ مضامین کتابوں سے ہٹانے کا حکم جاری کیا گیا ہے۔
