مشرقی ایتھوپیا میں ایک ٹرین حادثے میں کم از کم 14 افراد ہلاک اور 29 زخمی ہوگئے۔
یہ حادثہ منگل کی صبح تقریباً 2 بجے پیش آیا، جب ایک مسافر ٹرین جیبوتی کی سرحد کے قریب واقع دیویل شہر سے دیرے داوا کی طرف 200 کلومیٹر طویل سفر پر روانہ تھی۔
یہ بھی پڑھیں: ایتھوپیا میں مذہبی تہوار کے دوران چرچ کا عارضی تعمیراتی ڈھانچہ گرنے سے 36 افراد ہلاک
مقامی سرکاری میڈیا کے مطابق، دیرے ٹی وی کے فیس بک صفحے پر جاری ایک بیان میں کہا گیا کہ دیویل ریلوے لائن پر پیش آنے والے حادثے میں 14 افراد جاں بحق اور 29 دیگر زخمی ہوئے ہیں۔
#Ethiopia: 14 killed, 29 injured in train accident on #Dire_Dawa–#Dewele line
Fourteen people were killed and 29 others sustained light and severe injuries in a train accident on the Dire Dawa–Dewele line on Monday night, according to local authorities.
Citing information… pic.twitter.com/BbodmAa3ap
— Addis Standard (@addisstandard) October 21, 2025
حادثے سے متعلق مزید کسی قسم کی کوئی تفصیل فراہم نہیں کی گئی ہے۔
میڈیا ادارے کی جانب سے شائع کردہ تصاویر میں کئی بوگیاں الٹی ہوئی اور کچھ بری طرح تباہ دکھائی دے رہی ہیں۔
مزید پڑھیں: ایتھوپیا میں مذہبی تہوار کے دوران چرچ کا عارضی تعمیراتی ڈھانچہ گرنے سے 36 افراد ہلاک
تقریباً 13 کروڑ آبادی کے ساتھ افریقہ کی دوسری سب سے زیادہ آبادی والے ملک ایتھوپیا میں ٹرین حادثات نسبتاً کم پیش آتے ہیں۔
1985 میں جیبوتی سے ایتھوپیا کے دارالحکومت ادیس ابابا جانے والی ٹرین ایک کھائی میں جا گری تھی، جس کے نتیجے میں 400 سے زائد افراد ہلاک اور 500 زخمی ہوئے تھے۔
