بھارت کے سابق ہیڈ کوچ گریگ چیپل نے ایک نیا انکشاف کرتے ہوئے بھارتی کرکٹ بورڈ (بی سی سی آئی) پر سخت تنقید کی ہے۔
گریگ چیپل نے دعویٰ کیا ہے کہ سابق بی سی سی آئی اور آئی سی سی چیف جگموہن ڈالمیا نے 2005 میں سورو گنگولی کی معطلی کی مدت کم کرنے کی پیشکش کی تھی۔
یہ بھی پڑھیں: سابق آئی سی سی میچ ریفری کا بھارت پر کرکٹ میں اثر و رسوخ استعمال کرنے کا الزام
یہ انکشاف اُس وقت سامنے آیا ہے جب سابق انگلش کرکٹر اور میچ ریفری کرس براڈ نے بی سی سی آئی پر اپنے اثر و رسوخ کے غلط استعمال اور معاملات کو سیاسی رنگ دینے کا الزام لگایا تھا۔
A few days after Chris Broad revealed he was asked to be lenient towards Sourav Ganguly's over-rate offences, former India coach Greg Chappell has backed up his claims.
READ: https://t.co/NAXR0i1mKC pic.twitter.com/7ImSsuyLKA
— Wisden (@WisdenCricket) October 29, 2025
دی ٹیلی گراف کو دیے گئے ایک انٹرویو میں کرس براڈ نے بتایا کہ ایک میچ کے دوران انہیں فون پر ہدایت دی گئی کہ سورو گنگولی کی قیادت میں کھیلنے والی بھارتی ٹیم پر سست اوور ریٹ کے باعث جرمانہ عائد نہ کیا جائے۔
اگرچہ انہوں نے کسی مخصوص میچ کا ذکر نہیں کیا، مگر اشارے 2005 کی ایک ممکنہ ون ڈے سیریز کی طرف تھے۔
مزید پڑھیں: 2 آسٹریلوی خاتون کرکٹرز سے دست درازی، بھارت غیرملکی کھلاڑیوں کے لیے غیر محفوظ ملک بن گیا
گریگ چیپل نے اس معاملے پر بات کرتے ہوئے مزید انکشاف کیا کہ ڈالمیا نے ان سے کہا کہ وہ گنگولی کی معطلی کم کرا سکتے ہیں تاکہ وہ سری لنکا کے دورے پر جا سکے،
سڈنی مارننگ ہیرالڈ سے گفتگو میں چیپل نے بتایا کہ انہوں نے انکار کرتے ہوئے کہا کہ وہ نظام کو خراب نہیں کرنا چاہتے۔
Chris Broad’s revelation he was pressured to be “lenient” on over rate offences by Sourav Ganguly has been backed up by former India coach Greg Chappell, who said a powerful BCCI figure offered to have a ban on Ganguly removed early in his tenure https://t.co/eZLgmd0uhd
— Daniel Brettig 🏏 (@danbrettig) October 28, 2025
’گنگولی کو اپنی سزا پوری کرنا ہوگی، ڈالمیا کو بھی یہ منظور تھا کہ وہ کچھ میچز سے محروم رہیں۔‘
چیپل کا بطور بھارتی ہیڈ کوچ پہلا دورہ 2005 میں انڈین آئل کپ کے نام سے سری لنکا میں ہونے والی سہ ملکی سیریز تھی۔
مزید پڑھیں: بھارتی کرکٹر شریاس آئیر خطرناک چوٹ کے باعث آئی سی یو میں داخل
اسی دوران گنگولی کو سست اوور ریٹ کی وجہ سے ابتدائی 2 میچز کے لیے معطل کیا گیا تھا۔
بعد ازاں اس سال گنگولی کو ٹیم سے بھی باہر کر دیا گیا۔ تاہم 07-2006 میں وہ دوبارہ ٹیم میں واپس آئے, لیکن اس وقت گریگ چیپل نے اپنا معاہدہ بی سی سی آئی کے ساتھ مزید بڑھانے سے انکار کر دیا تھا۔
