وزیراعلیٰ خیبر پختونخوا سہیل آفریدی کابینہ ممبران کے محکموں کا اعلان کردیا۔
وزیراعلیٰ کی ہدایت پر ایڈمنسٹریشن ڈیپارٹمنٹ نے صوبائی کابینہ ممبران کے محکموں کا باضابطہ اعلامیہ جاری کردیا۔
وزیراعلی خیبر پختونخوا محمد سہیل آفریدی کی ہدایت پر ایڈمنستریشن ڈیپارٹمنٹ نے صوبائی کابینہ ممبران کے محکموں کا باضابطہ اعلامیہ کاری کردیا ہے۔
* مینا خان آفریدی: صوبائی وزیر بلدیات, الیکشن و دیہی ترقی
* ارشد ایوب خان: وزیر ابتدائی و ثانوی تعلیم
* فضل شکور خان: ویزر پبلک ہیلتھ… pic.twitter.com/2fgjDbHxAc— PTI (@PTIofficial) November 1, 2025
اعلامیے کے مطابق مینا خان آفریدی کو صوبائی وزیر بلدیات، الیکشن و دیہی ترقی کا محکمہ دیا گیا، جبکہ ارشد ایوب خان وزیر ابتدائی و ثانوی تعلیم ہوں گے۔
اس کے علاوہ فضل شکور خان وزیر پبلک ہیلتھ انجینیئرنگ ہوں گے، جبکہ ڈاکٹر امجد علی کو وزیر ہاؤسنگ بنا دیا گیا ہے۔
وزیراعلیٰ سہیل آفریدی نے آفتاب عالم آفریدی کو وزیر قانون، پارلیمانی امور اور انسانی حقوق کا محکمہ تفویض کیا ہے، جبکہ سید فخر جہان وزیر ایکسائز، ٹیکسیشن اور نارکوٹکس کنٹرول ہوں گے۔
اعلامیے کے مطابق ریاض خان وزیر آبپاشی ہوں گے، جبکہ خالق الرحمان صحت کا محکمہ سنبھالیں گے۔
وزیر اعلیٰ سہیل آفریدی کے فیصلے کے مطابق عاقب اللہ خان وزیر ریلیف، بحالی اور آبادکاری ہوں گے، جبکہ فیصل خان ترکئی کو وزیر محنت (لیبر) بنایا گیا ہے۔
مزید پڑھیں: خیبر پختونخوا کی نئی کابینہ میں پرانے چہرے، علی امین اور سہیل آفریدی میں سے درست کون؟
اس کے علاوہ مزمل اسلم مشیر خزانہ، تاج محمد ترند مشیر کھیل و امورِ نوجوانان جبکہ شفیع اللہ جان معاون خصوصی برائے اطلاعات و نشریات و عوامی تعلقات ہوں گے۔
واضح رہے کہ گزشتہ روز خیبرپختونخوا کی 13 رکنی کابینہ نے حلف اٹھایا تھا، اس سے قبل وزیراعلیٰ سہیل آفریدی نے کابینہ کی تشکیل سے قبل بانی پی ٹی آئی عمران خان سے ملاقات کرنے کی کوشش کی، تاہم وہ ناکام رہے۔
