معروف بھارتی گلوکار ہیومنے ساگر 34 سال کی عمر میں انتقال کر گئے۔ ان کی وفات کی خبر نے ریاست بھر میں افسوس کی لہر دوڑا دی اور وفات کے بعد ان کی 7 نومبر کو شیئر کی گئی آخری انسٹاگرام ویڈیو سوشل میڈیا پر تیزی سے وائرل ہو رہی ہے۔
گلوکار نے مذکورہ ویڈیو میں اپنا معروف گانا ’بھگیا ریکھا‘ ریڈیو اسٹوڈیو میں ریکارڈ کیا تھا۔ ان کی موت کی خبر سامنے آتے ہی پوسٹ کے کمنٹس سیکشن میں مداحوں کی جانب سے تعزیتی پیغامات کا سلسلہ شروع ہوگیا۔ مداحوں کا کہنا تھا کہ وہ بہت جلد چلے گئے۔
View this post on Instagram
اسپتال کے مطابق ہیومین ساگر کو 14 اکتوبر کو داخل کیا گیا تھا۔ ڈاکٹروں کا کہنا ہے کہ علاج کے دوران ان کی حالت اتار چڑھاؤ کا شکار رہی، تاہم بعد ازاں مسلسل بگڑتی چلی گئی۔
گلوکار کو نمونیا، شدید اور دائمی جگر کی خرابی، دل کی بیماری، سانس، گردوں کی خرابی اور خون جمنے میں رکاوٹ جیسے پیچیدہ امراض میں مبتلا تھے۔
ہیومنے ساگر نے اپنے کیریئر کا آغاز فلم ’عشق ہی تو‘ کے ٹائٹل ٹریک سے کیا تھا، جسے کمپوزر ابھیجیت ماجمدار نے ترتیب دیا تھا۔ بعد ازاں انہوں نے ’توما اوٹھا تلے‘، ’چہرہ‘ سمیت درجنوں مقبول گیت گائے اور بعد میں ہندی موسیقی کے لیے البم ’میرا یہ جہاں‘ میں بھی آواز کا جادو جگایا۔
