وفاقی وزیراطلاعات عطا تارڑ کی پیڈل ٹینس کھیلتے ہوئے ہوئے ویڈیو وائرل ہوگئی۔
سوشل میڈیا پر وائرل ویڈیو میں دیکھا جاسکتا ہے کہ وفاقی وزیر گرے شرٹ اور بلیک ٹراوز میں سر پر کیپ لگائے پُرجوش انداز میں پیڈل کھیلنے میں مصروف ہیں۔
عمران خان سے بھی بڑا سپورٹس مین عطا تارڑ pic.twitter.com/uqEW4q6twC
— Pervaiz Sandhila (@chsandhilaa) November 18, 2025
سوشل میڈیا صارفین اس ویڈیو پر مختلف تبصرے کرتے نظر آئے، ن لیگ کے حامی صارفین نے ویڈیو شیئر کرتے ہوئے کہا کہ عطا تارڑ عمران خان سے بڑے سپورٹس مین ہیں جبکہ پی ٹی آئی کے حامی صارفین یہ کہتے نظر آئے کہ سیاسی اختلاف اپنی جگہ مگر بطور سپورٹس مین عمران خان کا کوئی ثانی نہیں ہے۔
واضح رہے کہ اس سے قبل چیئرمین پاکستان پیپلزپارٹی بلاول بھٹو زرداری کی بھی پیڈل ٹینس کھیلتے ہوئے ویڈیو وائرل ہوئی تھی۔ ان کے ہمراہ مئیر کراچی بیرسٹر مرتضی وہاب اور وزیر اعلیٰ سندھ مراد علی شاہ بھی موجود تھے۔
