ہانگ کانگ کے شمالی علاقے میں واقع رہائشی ٹاورز میں شدید آگ بھڑک اُٹھی، جس کے نتیجے میں اب تک 55 افراد ہلاک ہو چکے ہیں۔ مقامی حکام کے مطابق 7 میں سے 8 ٹاورز میں آگ پھیل چکی ہے، جبکہ فائر فائٹرز کئی گھنٹوں سے شعلوں پر قابو پانے کی کوششیں کررہے ہیں۔
یہ بھی پڑھیں: بدھ مت سے منسوب قیمتی جواہرات کی ہانگ کانگ میں نیلامی منسوخ، 127 سال بعد بھارت واپس پہنچ گئے
پولیس کے حوالے سے سرکاری نشریاتی ادارے نے بتایا کہ آگ لگنے والے کمپلیکس میں تقریباً 2,000 اپارٹمنٹس ہیں اور یہاں قریب 5,000 افراد رہائش پذیر تھے۔ فائر سروس نے محصور رہائشیوں کو مشورہ دیا ہے کہ وہ اندر ہی رہیں، کھڑکیاں بند کریں اور بچاؤ ٹیموں کے انتظار میں رہیں۔
شی جن پنگ کا اظہار ہمدردی
چینی صدر شی جن پنگ نے متاثرہ افراد اور اپنی ڈیوٹی انجام دیتے ہوئے جاں بحق ہونے والے فائر فائٹر کے اہلخانہ سے ہمدردی کا اظہار کیا ہے اور آگ بجھانے اور جانی و مالی نقصان کم کرنے کے لیے تمام وسائل استعمال کرنے کی ہدایت کی ہے۔
مقامی باشندے اپنے گھروں کے جلتے ہوئے ٹاورز کو دیکھتے ہوئے باہر جمع ہیں، بعض لوگ روتے ہوئے اپنے گھروں کی تباہی دیکھ رہے ہیں، آگ کے دوران وقتاً فوقتاً دھماکوں کی آوازیں بھی سنائی دے رہی ہیں۔
Video shows frequent explosions and a scaffolding fire at Hung Fuk Court in Hong Kong’s Tai Po district, with many people reported trapped, Chinese media reported. pic.twitter.com/DRtqsSEahH
— Open Source Intel (@Osint613) November 26, 2025
ہانگ کانگ حکومت نے تصدیق کی ہے کہ آتشزدگی کے اس واقعے میں 4 افراد ہلاک ہوگئے ہیں۔
حکومتی انفارمیشن سروسز ڈیپارٹمنٹ کے ترجمان کے مطابق شام 5 بجے تک 4 اموات کی تصدیق، 2 افراد کی حالت تشویشناک جبکہ ایک شخص کی حالت مستحکم ہے۔
مزید پڑھیں:ایئر انڈیا کی پرواز تکنیکی مسئلے کے شبہ پر بحفاظت ہانگ کانگ ایئرپورٹ لوٹ آئی
فائر ڈیپارٹمنٹ کے مطابق دوپہر 2 بجکر 51 منٹ پر وانگ فک کورٹ میں آگ بھڑکنے کی اطلاع موصول ہوئی۔
آگ کی شدت بڑھنے پر اسے 3 بجکر 34 منٹ پر ’نمبر 4 الرٹ‘ یعنی دوسرے بلند ترین درجے تک بڑھا دیا گیا۔
وانگ فک کورٹ 8 بلاکس پر مشتمل ایک بڑا رہائشی کمپلیکس ہے جس میں تقریباً 2 ہزار اپارٹمنٹ یونٹس موجود ہیں۔
مزید پڑھیں:’بیڈمنٹن کھیلنے چلیں‘، ہانگ کانگ میں لڑکیاں اب اس کا کیا مطلب لیتی ہیں؟
متاثرہ ٹاور کے اطراف واقع کئی عمارتوں کے بیرونی حصے پر بانس کا اسٹرکچر لگا ہوا ہے۔
ہانگ کانگ کے ٹرانسپورٹ ڈیپارٹمنٹ کے مطابق آگ کے باعث تائی پو ہائی وے کا ایک پورا حصہ بند کر دیا گیا ہے اور بسوں کے روٹس بھی تبدیل کر دیے گئے ہیں۔
