قومی ٹینس اسٹار اعصام الحق کا اپنے آخری ٹورنامنٹ میں نیا سنگ میل

اپنا آخری اے ٹی پی ٹورنامنٹ کھیلنے والے پاکستان کے معروف ٹینس اسٹار اعصام الحق نے ایک نیا سنگ میل عبور کرلیا۔

یہ بھی پڑھیں: معروف پاکستانی ٹینس اسٹار کا ریٹائرمنٹ کا اعلان

اسلام آباد اے ٹی پی چیلنجر میں اعصام الحق اور مزمل مرتضیٰ کی جوڑی فائنل تک رسائی حاصل کرنے میں کامیاب ہو گئی۔

یہ کارنامہ انہیں کسی بھی اے ٹی پی ایونٹ کے فائنل کھیلنے والی پہلی پاکستانی جوڑی بنا دیتا ہے۔ اس سے قبل اعصام الحق نے تمام اے ٹی پی فائنلز غیر ملکی پارٹنرز کے ساتھ کھیلے ہیں۔

مزید پڑھیے: ثانیہ مرزا کا پاکستانی ٹینس اسٹار اعصام الحق کے لیے خصوصی پیغام، ویڈیو میں کیا کہا؟

سیمی فائنل میں اعصام اور مزمل نے ترکی کی جوڑی کو شکست دی جبکہ وائلڈ کارڈ انٹری حاصل کرنے والی پاکستانی جوڑی نے تھرڈ سیڈز ایلپ ہوروز اور مارٹ الکایا کو بھی ہرایا۔

فائنل میں اعصام الحق اور مزمل کا مقابلہ سیڈ نمبر 4 کے جمہوریہ چیک کے ڈومینک پالان اور قازقستان کے ڈینس یاویساؤ کے ساتھ ہوگا۔

نمزید پڑھیں: ٹینس اسٹاراعصام الحق پاکستان ٹینس فیڈریشن کے صدر منتخب، کیا مفادات کا ٹکراؤ پیدا ہوسکتا ہے؟

اعصام الحق کا یہ آخری میچ ہوگا اور وہ فتح کے ساتھ اپنے اے ٹی پی کیریئر کے اختتام کے لیے پر عزم ہیں۔