کولکتہ: عالمی شہرت یافتہ فٹبالر لیونل میسی کے بھارت کے دورے کے موقع پر کولکتہ اسٹیڈیم میں ان کی محدود موجودگی پر شائقینِ فٹبال میں شدید غم و غصہ دیکھنے میں آیا۔
یہ بھی پڑھیں:جرمنی میں غیر قانونی نوجوان اور میسی ولیمز کی وائرل کہانی، حقیقت کیا ہے؟
میڈیا رپورٹس کے مطابق مایوس مداحوں نے پوسٹر توڑے، بوتلیں پھینکیں اور احتجاج شروع کر دیا کیونکہ انہیں اس بات کا احساس ہوا کہ اسٹیڈیم میں رسائی اور اسٹار فٹ بالر تک رسائی کی سہولیات توقع کے مطابق نہیں ہیں۔
صورتحال جلد ہی کشیدہ ہو گئی اور سیکیورٹی بڑھا دی گئی۔ میسی صرف 10 منٹ اسٹیڈیم میں رہے اور دیگر وی وی آئی پیز کے ساتھ انہیں فوری طور پر باہر نکالا گیا۔
کئی مداح جو گھنٹوں انتظار کے بعد اسٹار کو دیکھنے آئے تھے، میسی کو قریب سے دیکھے بغیر ہی مایوس لوٹ گئے۔
سوشل میڈیا پر منظرنامے کی ویڈیوز وائرل ہو گئیں، جن میں ہنگامہ اور انتشار واضح دکھائی دے رہا ہے، اور یہ موقع جو بھارتی فٹبال کے شائقین کے لیے تاریخی اور خوشیوں بھرا ہونا چاہیے تھا، افسوسناک رہا، جس کے بعد سوشل میڈیا پر مختلف تبصرے کیے جا رہے ہیں۔
