سوموار اور منگل کو ملک کے بیشتر علاقوں میں موسم سرد اور مطلع جزوی یا مکمل ابرآلود رہنے کا امکان ہے۔ پہاڑی علاقوں اور شمالی اضلاع میں صبح اور رات کے اوقات میں شدید سردی متوقع ہے۔ گلگت بلتستان، کشمیر، بالائی خیبر پختونخوا اور شمال مغربی بلوچستان میں چند مقامات پر بارش اور پہاڑوں پر ہلکی برفباری کا امکان ہے۔
مزید پڑھیں: ملک کے کن حصوں میں برفباری اور بارشیں متوقع ہیں؟ محمکہ موسمیات نے بتا دیا
محمکہ موسمیات کے مطابق پنجاب، بالائی سندھ اور خیبر پختونخوا کے میدانی علاقے میں صبح و رات کے اوقات میں دھند یا اسموگ چھائی رہے گی، بعض جگہیں شدید متاثر ہو سکتی ہیں۔
آج کم سے کم درجہ حرارت کچھ شہروں میں یوں ریکارڈ کیا گیا: لہہ -5°C، اسکردو -3°C، بگروٹ -2°C، پارہ چنار 0°C۔
اسلام آباد اور گردونواح میں دونوں دن موسم سرد اور مطلع جزوی ابرآلود رہنے کا امکان ہے۔ بلوچستان کے شمالی اور وسطی اضلاع میں چند مقامات پر ہلکی بارش اور برفباری ہو سکتی ہے۔
مزید پڑھیں: خشک سردی سے تنگ عوام کے لیے خوشخبری، محکمہ موسمیات نے بارش اور برف باری کی پیشگوئی کردی
سندھ کے زیادہ تر اضلاع میں موسم خشک جبکہ صبح و رات کے اوقات میں دھند پڑنے کا امکان ہے۔ مجموعی طور پر ملک کے بیشتر علاقوں میں سرد موسم اور دھند یا اسموگ کے ساتھ پہاڑی علاقوں میں ہلکی بارش یا برفباری متوقع ہے۔
