عالمی شہرت یافتہ فٹبالر لیونل میسی نے اپنے سرکاری انسٹاگرام اکاؤنٹ پر بھارت کے دورے سے متعلق ایک منٹ کی مختصر ویڈیو شیئر کی ہے جس میں انہوں نے اپنے دورے کے یادگار لمحات کو اجاگر کیا۔ ویڈیو میں بچوں سے ملاقاتیں اور بھارتی کرکٹ کے عظیم کھلاڑی سچن ٹنڈولکر کی موجودگی نمایاں طور پر دکھائی گئی ہے۔
میسی کی جانب سے شیئر کی گئی اس ویڈیو میں کسی بھی سیاسی شخصیت کو شامل نہیں کیا گیا اس کا محور کھیل، عوامی روابط اور نوجوان نسل کے ساتھ مثبت سرگرمیاں رہیں۔ ویڈیو کو سوشل میڈیا صارفین کی جانب سے خوب پذیرائی مل رہی ہے اور مداح اسے میسی کے سادہ اور کھیل دوست رویے کی عکاس قرار دے رہے ہیں۔
View this post on Instagram
صارفین نے ویڈیو شیئر کرتے ہوئے کہا کہ میسی نے ایک منٹ کی ویڈیو میں بہت سے بچے اور سچن ٹنڈولکر شامل ہیں لیکن کسی سیاستدان اور اداکار کو شامل نہیں کیا۔
Lionel Messi posted this video on his official Instagram account.
He did not include any politician in this 1 min video about his visit to India. Big W. 😂
Lots of children and Sachin Tendulkar included. pic.twitter.com/GJHHg1MGu1
— Incognito (@Incognito_qfs) December 16, 2025
واضح رہے کہ عالمی شہرت یافتہ فٹبالر لیونل میسی کے بھارت کے دورے کے موقع پر بدمزگی کے کئی واقعات پیش آئے جہاں ایک طرف گراؤنڈ میں بوتلیں اور کرسیاں پھینکی گئیں وہیں مہاراشٹر کے وزیراعلیٰ دیویندر فڈنوس نے اداکار اجے دیوگن اور ٹائیگر شروف کو گراؤنڈ میں تحائف پیش کیے جبکہ میسی، لوئس سواریز اور روڈریگو ڈی پال سائیڈ پر کھڑے نظر آئے حالانکہ اس ایونٹ کا انعقاد میسی کے لیے کیا گیا تھا۔
اس صورتحال پر بھارتی صارفین نے سوشل میڈیا پر اپنی ہی حکومت اور انتظامیہ کو شدید تنقید کا نشانہ بنایا تھا اور اب میسی کی جانب سے شیئر کی گئی ویڈیو میں بھی کوئی سیاسی شخصیت شامل نہیں ہے۔
