اسلام آباد پولیس کی راجہ خرم نواز اور علی نواز اعوان کے نام ای سی ایل میں ڈالنے کی سفارش

اسلام آباد پولیس نے وزارت داخلہ سے پی ٹی آئی کے راجہ خرم نواز اور علی نواز اعوان سمیت دیگرمقامی رہنماؤں کے نام ای سی ایل یا پی این ایل میں ڈالنے کی سفارش کر دی۔

پولیس کی جانب سے اسلام آباد سے تحریک انصاف کے رکن قومی اسمبلی راجہ خرم نواز اور علی نواز اعوان کے نام وزارت داخلہ کو بھیج دیئے گئے ہیں۔

پولیس نے موقف اختیار کیا ہے کہ ان ملزمان پر کئی مقدمات درج ہیں اور گرفتاری سے بچنے کے لیے بیرون ملک فرار ہوسکتے ہیں۔

اسلام آباد پولیس نے وزارت داخلہ سے درخواست کی ہے کہ ملزمان کی بیرون ملک روانگی کو روکنے کے لیے ان کے نام ای سی ایل یا پی این ایل میں ڈالے جائیں۔

اسلام آباد پولیس کی جانب سے ارکان قومی اسمبلی کے علاوہ اسلام آباد کے مقامی رہنماؤں کے نام بھی پی این ایل یا ای سی ایل میں ڈالنے کی درخواست کی گئی ہے۔

پولیس کا کہنا ہے کہ تحریک انصاف سے تعلق رکھنے والے راجہ خرم نواز اور علی نواز اعوان سمیت دیگر مقامی رہنماؤں پر 9 مئی کے پر تشدد واقعات میں ملوث ہونے کا الزام ہے، جسو کی وجہ سے تمام لوگوں کے نام ای سی ایل میں شامل کئے جائیں۔

پولیس کا مزید کہنا تھا کہ اطلاعات موصول ہوئی ہیں کہ کچھ لوگ بیرون ملک بھاگنے کی تیاریاں کر رہے ہیں لحاظہ جلد از جلد ان تمام لوگوں کے نام ای سی ایل میں ڈالے جائیں۔