قومی کرکٹ کے سابق کپتان اور اسٹار بیٹر بابر اعظم نے ایشیا کپ انڈر 19 کے فائنل میں شاندار کارکردگی دکھانے پر قومی انڈر 19 ٹیم کے کھلاڑیوں کو سراہا ہے، اور جیت کا کریڈیٹ ٹیم کے مینیجر اور مینٹور سرفراز احمد کے نام کیا ہے۔
سماجی رابطے کی سائٹ ’ایکس‘ پر اپنے بیان میں بابر اعظم نے کہاکہ نوجوان کھلاڑیوں نے شاندار کھیل پیش کرتے ہوئے فائنل میں کامیابی حاصل کی اور ٹرافی جیت لی۔
Well done, boys! Lifting the trophy after a stellar campaign and dominating the final. Big credit to Saifi Bhai, whose experience shaped this triumph. Keep the hunger going ✌🏻 pic.twitter.com/O2KQ5Wdwtd
— Babar Azam (@babarazam258) December 21, 2025
بابر اعظم نے ٹیم کے مینیجر اور مینٹور سرفراز احمد کی بھی تعریف کی اور کہاکہ ٹیم کی کامیابی کا کریڈٹ سرفراز احمد کے تجربے اور رہنمائی کو جاتا ہے، جنہوں نے ٹیم کو صحیح سمت میں رہنمائی دی اور فتح کے راستے ہموار کیے۔
انہوں نے مزید کہاکہ اب ضروری ہے کہ یہ ٹیم اپنے جوش اور محنت کو برقرار رکھے اور آئندہ بھی پوری لگن اور جذبے کے ساتھ کھیلتی رہے۔
واضح رہے کہ پاکستان نے انڈر 19 ایشیا کپ کے فائنل میں بھارت کو 191 رنز سے شکست دے کر ٹائٹل اپنے نام کیا، اور یہ پاکستان کی دوسری بار انڈر 19 ایشیا کپ جیتنے کی کامیابی ہے۔
اس سے قبل پاکستان اور بھارت نے 2012 کے ایونٹ میں مشترکہ طور پر ٹائٹل حاصل کیا تھا۔
ماضی میں پاکستان ٹیم سرفراز احمد کی قیادت میں آئی سی سی چیمپیئنز ٹرافی ، انڈر 19ورلڈکپ اور کوئٹہ گلیڈی ایٹرز پاکستان سپر لیگ جیت چکی ہے۔
مزید پڑھیں: ’سرفراز دھوکہ نہیں دے گا‘، انڈر 19 ایشیا کپ میں جیت پر سابق کپتان کو بھی خراج تحسین
واضح رہے کہ پی سی بی نے رواں ماہ ہی سابق کپتان سرفراز احمد کو پاکستان انڈر19 ٹیم کا مینیجر اور مینٹو ر مقرر کیا تھا۔
