مری پولیس کے ڈی پی او، ڈاکٹر محمد رضا تنویر سپرا نے سیاحوں کی حفاظت اور محفوظ سفر کو اپنی اولین ترجیح قرار دیتے ہوئے برفباری کے آغاز پر تمام انتظامات کی نگرانی خود کرنے کا اعلان کیا ہے۔
ڈاکٹر رضا تنویر کے مطابق، تعطیلات کے بعد بھی سیاحوں کا غیر معمولی رش جاری ہے، جس کے پیشِ نظر ٹریفک مینجمنٹ پلان مزید فعال کر دیا گیا ہے۔ انہوں نے سیاحوں کو درج ذیل حفاظتی ہدایات بھی دی ہیں:
مزید پڑھیں: طویل خشک سالی کے بعد ملکہ کوہسار مری میں برفباری، سیاحوں کی بڑی تعداد امڈ آئی
گاڑیوں کے ٹائروں پر ‘سنو چین’ کا استعمال لازمی کریں تاکہ پھسلن سے بچا جا سکے۔
سڑک کنارے گاڑی کھڑی کر کے فوٹوگرافی سے گریز کریں تاکہ ٹریفک کی روانی متاثر نہ ہو۔
سیاح گاڑیوں میں ایندھن وافر مقدار میں رکھیں اور مکینیکل حالت چیک کر کے مری آئیں۔
دورانِ سفر گاڑی کے شیشے معمولی کھلے رکھیں تاکہ آکسیجن کی کمی نہ ہو۔
کسی بھی ہنگامی صورتحال یا مدد کے لیے فوری طور پر پولیس ہیلپ لائن 15 پر رابطہ کریں۔
مزید پڑھیں: مری: برفباری دیکھنے کے لیے آنے والوں کو کن باتوں کا خیال رکھنا چاہیے؟
ڈی پی او مری نے کہا کہ مری پولیس ‘مہمان نوازی’ اور ‘خدمت’ کے جذبے کے ساتھ سیاحوں کی رہنمائی کے لیے الرٹ ہے اور ہر ممکن مدد فراہم کرے گی۔
یہ اقدامات اس بات کو یقینی بنانے کے لیے کیے گئے ہیں کہ برفباری اور سیاحتی رش کے دوران سیاح محفوظ اور آرام دہ سفر کر سکیں۔
