فیفا کے صدر جیانی انفانٹینو نے 2026 فٹبال ورلڈ کپ کے مہنگے ٹکٹوں پر ہونے والی شدید تنقید کا دفاع کرتے ہوئے کہا ہے کہ ٹورنامنٹ کے لیے ٹکٹوں کی مانگ ریکارڈ سطح تک پہنچ چکی ہے۔ ان کے مطابق دسمبر میں شروع ہونے والے حالیہ سیلز ونڈو کے دوران 150 ملین سے زائد ٹکٹ درخواستیں موصول ہوئیں، جو ایک غیر معمولی تعداد ہے۔
مزید پڑھیں: پاکستان کی کھیل کے میدان میں تاریخی کامیابی، رکن اسمبلی آمنہ بتول کو فیفا میں عہدہ مل گیا
دبئی میں منعقدہ ورلڈ اسپورٹس سمٹ سے خطاب کرتے ہوئے انفانٹینو نے کہا کہ یہ اعداد و شمار ورلڈ کپ کی عالمی مقبولیت کا واضح ثبوت ہیں۔ انہوں نے کہا کہ ٹورنامنٹ سے حاصل ہونے والی آمدنی کا بڑا حصہ دنیا بھر میں فٹبال کے فروغ پر خرچ کیا جائے گا، اور دعویٰ کیا کہ فیفا کے بغیر دنیا کے 150 ممالک میں فٹبال کا وجود ممکن نہ ہوتا۔
2026 ورلڈ کپ، جو امریکا، کینیڈا اور میکسیکو میں منعقد ہوگا، کے ٹکٹوں کی قیمتیں ابتدائی میچز کے لیے 140 ڈالر سے شروع ہو کر فائنل میچ کے لیے 4,185 ڈالر (سستے ترین) اور 8,680 ڈالر (مہنگے ترین) تک پہنچ چکی ہیں، جس پر شائقین کی جانب سے شدید غم و غصہ دیکھا جا رہا ہے۔
Record-breaking 150+ million @FIFAWorldCup tickets requested from 200+ countries! 🙌
— FIFA (@FIFAcom) December 29, 2025
عوامی ردعمل کے بعد فیفا نے اعلان کیا ہے کہ وہ ہر میچ کے لیے محدود تعداد میں 60 ڈالر کے خصوصی ٹکٹ بھی فروخت کرے گا، تاہم یہ مجموعی ٹکٹوں کا ایک چھوٹا سا حصہ ہوں گے۔
مزید پڑھیں:پاکستان ویمن فٹبال ٹیم پہلی بار فیفا سیریز میں شامل
That trophy lift feeling! 🤩
Looking back at every FIFA tournament champion in 2025 🏆 pic.twitter.com/r2gk29OXXz
— FIFA (@FIFAcom) December 26, 2025
فیفا کے مطابق ٹکٹوں کی فروخت کا موجودہ مرحلہ 13 جنوری تک جاری رہے گا اور درخواست جمع کرانے کی تاریخ سے کامیابی کے امکانات متاثر نہیں ہوں گے۔
