ترجمان اسلام آباد پولیس کے مطابق، اسلام آباد ٹریفک پولیس نے شہر میں ٹریفک مینیجمنٹ اور بائیکرز کی لین وائلیشن کی روک تھام کے لیے مختلف مقامات پر 8 خصوصی پکٹس قائم کر دیے ہیں۔
ترجمان نے بتایا کہ بائیکرز کی جانب سے لین وائلیشن نہ صرف دیگر روڈ یوزرز کے لیے انتہائی خطرناک اور جان لیوا ثابت ہو سکتی ہے بلکہ اس سے ٹریفک کی روانی بھی بری طرح متاثر ہوتی ہے۔
مزید پڑھیں: 2025: اسلام آباد پولیس کی میں شاندار کارکردگی، جرائم میں تاریخی کمی
انہوں نے کہا کہ لین وائلیشن اور رانگ وے ڈرائیونگ کے خلاف بھرپور کریک ڈاؤن جاری ہے اور خلاف ورزی کرنے والوں کے خلاف قانونی کارروائی عمل میں لائی جا رہی ہے۔
اسلام آباد ٹریفک پولیس نے بائیکرز سے اپیل کی ہے کہ وہ لین وائلیشن اور رانگ وے ڈرائیونگ سے گریز کریں تاکہ کسی بھی ناخوشگوار واقعے اور قانونی کارروائی سے بچا جا سکے۔
ترجمان کے مطابق، اسلام آباد ٹریفک پولیس شہریوں کو محفوظ اور سہولت فراہم کرنے کے لیے ٹریفک کی روانی برقرار رکھنے کی بھرپور کوشش کر رہی ہے۔
مزید پڑھیں: اسلام آباد پولیس کی بڑی کامیابی، تاوان کے لیے اغوا کیا گیا لڑکا پشاور سے بازیاب
شہریوں سے گزارش ہے کہ وہ ٹریفک قوانین پر عمل کرتے ہوئے اپنی ٹریفک پولیس سے تعاون کریں۔ کسی بھی معلومات یا اپ ڈیٹ کے لیے شہری ٹریفک ہیلپ لائن 1915 یا پکار 15 پر رابطہ کر سکتے ہیں۔
