کراچی میں سال نو کی تقریبات کے دوران عوام کی حفاظت کے لیے محکمہ داخلہ سندھ نے موٹر سائیکل کی ڈبل سواری پر پابندی عائد کردی ہے۔ یہ پابندی دفعہ 144 کے تحت نافذ کی گئی ہے اور یکم جنوری تک برقرار رہے گی۔
اس دوران شہر میں اسلحے کی نمائش اور ہوائی فائرنگ بھی ممنوع ہوگی۔ پولیس حکام نے ہوائی فائرنگ کرنے والے افراد کی شناخت اور کارروائی کے لیے ڈرون کیمرے اڑانے کا فیصلہ کیا ہے۔
یہ بھی پڑھیے: بلوچستان بھر میں دفعہ 144 نافذ، ڈبل سواری اور اجتماعات پر پابندی
پولیس کے مطابق، سال نو کے موقع پر لیاقت آباد، شریف آباد، عزیز آباد، ناظم آباد اور دیگر اہم علاقوں میں ڈرون کیمروں کا استعمال کیا جائے گا۔ ان کیمروں کے ذریعے مشتبہ افراد کی ویڈیوز ریکارڈ کی جائیں گی اور بعد ازاں مقدمات درج کیے جائیں گے۔
پولیس حکام نے بتایا کہ شہر کے 16 سے زائد تھانوں کو ڈرون کیمروں سے لیس کر دیا گیا ہے تاکہ کسی بھی قسم کی غیر قانونی سرگرمی پر فوری کارروائی ممکن ہو سکے۔
