پاکستان پیپلز پارٹی (پی پی پی ) کے چیئرمین اور ملک کے وزیر خارجہ بلاول بھٹو زرداری نے کسی بھی ’حقیقی‘ سیاسی جماعت پر ممکنہ پابندی کے مخالفت کی ہے۔
سماجی رابطے کی ویب سائٹ ٹوئٹر پر جاری ایک ویڈیو کلپ میں بلاول بھٹو صحافیوں کے سوالوں کا جواب دیتے ہوئے کہہ رہے ہیں کہ وہ اصولی طور پر کسی بھی سیاسی جماعت پر پابندی کے حق میں نہیں ہیں تاہم کسی سیاسی پارٹی کو بھی سیاسی جماعت رہنے کی خواہش رکھنی پڑے گی۔
وزیر خارجہ بلاول بھٹو زرداری سے میرا سوال
کیا پیپلز پارٹی سیاسی جماعتوں پر پابندی لگانے کی حمایت کرے گی؟ pic.twitter.com/MnaQ3N1uod— Abdullah Momand (@AbdullahMomandJ) May 25, 2023
انہوں نے پاکستان تحریک انصاف (پی ٹی آئی ) کا نام لیے بغیر کہا کہ 9 مئی کے واقعات کے حوالے سے بات کی جائے تو اگر کوئی سیاسی جماعت خود ’دہشت گرد‘ بننا چاہتی ہے اور وہ ایسی چیزوں سے دوری اختیار نہیں کرتی تو پھر میں کچھ نہیں کہہ سکتا اس کے لیے پھر آئین و قانون ہی دیکھنا پڑے گا۔
ایک سوال کے جواب میں انہوں نے کہا کہ ’میرے خیال میں پی ٹی آئی میں یہ صیلاحیت موجود ہے کہ وہ سیاسی جماعت بنے۔