چکوال کے علاقے تلہ گنگ میں جی ٹی روڈ پر مسافر بس کے کھائی میں گرنے سے ہولناک حادثہ پیش آیا، جس کے نتیجے میں 5 افراد جان کی بازی ہار گئے جبکہ درجنوں مسافر زخمی ہو گئے۔
یہ بھی پڑھیں:انڈونیشیا میں تیز رفتار بس کو حادثہ، 16 افراد ہلاک
میڈیا رپورٹ کے مطابق حادثہ تلہ گنگ میں کوٹ پٹھان کے قریب پیش آیا جہاں اسلام آباد سے کراچی جانے والی مسافر بس توازن کھو بیٹھنے کے باعث کھائی میں جا گری۔
ریسکیو حکام کا کہنا ہے کہ حادثے میں 27 افراد زخمی ہوئے جنہیں فوری طور پر قریبی اسپتال منتقل کر دیا گیا، زخمیوں میں 7 خواتین بھی شامل ہیں۔
حادثے کے بعد امدادی ٹیموں نے موقع پر پہنچ کر ریسکیو آپریشن کیا جبکہ پولیس نے واقعے کی تحقیقات شروع کر دی ہیں۔
