سعودی عرب کے وزیرِ خارجہ شہزادہ فیصل بن فرحان اپنے سرکاری دورۂ امریکا کے دوران واشنگٹن میں امریکی وزیرِ خارجہ سے ملاقات کے لیے پہنچے، جہاں دونوں رہنماؤں نے باہمی تعلقات اور خطے کی تازہ صورتحال پر تبادلۂ خیال کیا۔
یہ بھی پڑھیں:2026 ورلڈ کپ سے پہلے ہی سعودی عرب فٹبال کی دنیا کی سپر پاور بن گیا
سعودی عرب کے وزیرِ خارجہ شہزادہ فیصل بن فرحان بن عبداللہ نے بدھ کے روز واشنگٹن میں امریکی وزیرِ خارجہ مارکو روبیو سے ملاقات کی۔ یہ ملاقات شہزادہ فیصل بن فرحان کے سرکاری دورۂ امریکا کے دوران عمل میں آئی۔
ملاقات کے دوران دونوں وزرائے خارجہ نے سعودی عرب اور امریکا کے درمیان تاریخی اور اسٹریٹجک دوطرفہ تعلقات کا جائزہ لیا اور مشترکہ مفادات کے مطابق ان تعلقات کو مزید فروغ دینے کے طریقوں پر گفتگو کی۔ اس کے علاوہ حالیہ علاقائی پیش رفت اور خطے میں سلامتی اور استحکام کے لیے جاری کوششوں پر بھی تبادلۂ خیال کیا گیا۔
Today, @SenatorShaheen hosted a bipartisan discussion with Saudi Foreign Minister @FaisalbinFarhan on a new future for Syria and the paths forward on difficult regional challenges, including Yemen, Sudan, Gaza and Lebanon. pic.twitter.com/Ce1Ez5aRI3
— Senate Foreign Relations Committee (@SFRCdems) January 7, 2026
اسی روز شہزادہ فیصل بن فرحان نے امریکی ایوانِ نمائندگان کی خارجہ امور کمیٹی کے چیئرمین برائن ماسٹ، سینئر رکن گریگوری میکس اور کمیٹی کے دیگر اراکین سے بھی ملاقات کی۔
اس ملاقات میں سعودی عرب اور امریکا کے درمیان تاریخی تعلقات کو باہمی مفادات کے لیے مزید آگے بڑھانے کے امکانات پر غور کیا گیا، جبکہ علاقائی اور بین الاقوامی امور اور ان سے نمٹنے کے لیے کی جانے والی کوششوں پر بھی تبادلۂ خیال کیا گیا۔
یہ بھی پڑھیں:سعودی عرب میں سرد ہوائیں، ملک کے کئی علاقوں میں درجہ حرارت میں نمایاں کمی کا امکان
ان دونوں ملاقاتوں میں امریکا میں سعودی عرب کی سفیر شہزادی ریما بنت بندر بن سلطان آل سعود اور وزیرِ خارجہ کے مشیر محمد الیحییٰ بھی موجود تھے۔ یہ ملاقاتیں سعودی وزیرِ خارجہ کے سرکاری دورۂ امریکا کا حصہ تھیں، جن کا مقصد دونوں ممالک کے درمیان سفارتی تعاون کو مزید مضبوط بنانا ہے۔
