ایچ بی ایل پی ایس ایل کے 11ویں ایڈیشن میں 2 نئی ٹیموں کے اضافے کی گھڑی قریب آ گئی۔ اس موقع پر جناح کنونشن سینٹر رنگ برنگی روشنیوں سے جگمگا اٹھا۔
پی ایس ایل کی نئی ٹیموں کی بولی لگانے کا آکشن چند ہی گھنٹوں میں شروع ہونے والا ہے، اور اس تقریب کے لیے ریہرسلز مکمل کر لی گئی ہیں۔ سوئنگ کے سلطان وسیم اکرم بھی منفرد انداز میں آکشن میں شریک ہوں گے۔
مزید پڑھیں: آئی پی ایل سے نکالے گئے بنگلہ دیش کے فاسٹ بولر مستفیض الرحمان کا پی ایس ایل کھیلنے کا فیصلہ
سی او او پی سی بی سمیر احمد سید نے جناح کنونشن سینٹر کا دورہ کیا، جبکہ سی ای او پی ایس ایل سلمان نصیر نے آکشن تقریب کے انتظامات پر بریفنگ دی۔ اس موقع پر ڈائریکٹر میڈیا عامر میر، ڈائریکٹر کمرشل علی عدنان زیدی اور چیف فنانشل آفیسر جاوید مرتضٰی بھی موجود تھے۔
ایچ بی ایل پی ایس ایل نئی ٹیموں کا آکشن۔
ایچ بی ایل پی ایس ایل کے گیارہویں ایڈیشن میں دو نئی ٹیموں کے اضافے کی گھڑی آن پہنچی
اسلام آباد کا جناح کنونشن سینٹر رنگ برنگی روشنیوں سے چمک اٹھا
پی ایس ایل کی نئی ٹیموں کی بولی لگنے میں چند ہی گھنٹے باقی
دو نئی ٹیموں کے آکشن کی… pic.twitter.com/cTxGU8RIXz
— PCB Media (@TheRealPCBMedia) January 8, 2026
آکشن میں شریک بڈرز اور معزز مہمانوں کا ریڈ کارپٹ پر پرتپاک استقبال کیا جائے گا۔ تقریب میں پاکستان شاہینز اور ہانگ کانگ سپر سکسز جیسی چیمپئن ٹیمیں بھی مدعو ہیں، اور چیئرمین پی سی بی کی ہدایت پر ان کی کارکردگی کی تعریف اور کھلاڑیوں کو انعامات بھی دیے جائیں گے۔
مزید پڑھیں: پی ایس ایل کی 2 نئی فرنچائز کے لیے 10 بولی دہندگان کی فہرست سامنے آگئی
دنیا بھر کے پی ایس ایل فینز اس رنگا رنگ تقریب کو پی سی بی کے یوٹیوب چینل، پی ٹی وی سپورٹس، اے سپورٹس اور جیو سپر پر براہِ راست دیکھ سکیں گے۔
