کراچی کے ایم اے جناح روڈ پر واقع گل پلازہ میں لگنے والی آگ نے ہولناک تباہی مچائی ہے، جس کے نتیجے میں 6 افراد جاں بحق ہو گئے ہیں، جس میں ایک فائر فائٹر بھی شامل ہے۔ وزیراعلیٰ سندھ سید مراد علی شاہ نے واقعے کا فوری نوٹس لیتے ہوئے کمشنر کراچی کو انکوائری کی ہدایت کر دی ہے۔
یہ بھی پڑھیں:گل پلازہ میں آگ سے 6 افراد جاں بحق، وزیراعظم اور وزیرداخلہ کا اظہارِ افسوس
میڈیا رپورٹ کے مطابق آگ کو تیسرے درجے کا قرار دیا گیا ہے اور 12 گھنٹے سے زائد وقت گزرنے کے باوجود مکمل طور پر قابو نہیں پایا جا سکا۔ شہر بھر سے فائر ٹینڈرز طلب کیے گئے اور آگ بجھانے کے لیے پانی اور فوم کا استعمال جاری ہے۔
🔥 Tragedy Strikes Karachi Mall in Devastating Fire
– At least 3 lives lost and dozens injured when a massive blaze engulfed Gul Plaza
– Shoppers and staff trapped inside, swiftly evacuated by rescue teams
– Thick black smoke poured out as firefighters battled the intense flames… pic.twitter.com/W5ruUKGLRE— Voice Of Bharat 🇮🇳🌍 (@Kunal_Mechrules) January 18, 2026
وزیراعلیٰ سندھ نے کمشنر کراچی کو ہدایت کی ہے کہ آتشزدگی کی وجوہات معلوم کی جائیں اور تفصیلی رپورٹ پیش کی جائے۔ ساتھ ہی انہوں نے عمارت میں فائر سیفٹی انتظامات کی جانچ کرنے اور فائر سیفٹی قوانین پر سختی سے عمل درآمد یقینی بنانے کی بھی ہدایت دی۔
سید مراد علی شاہ نے کراچی کی دیگر کمرشل عمارتوں میں فائر سیفٹی آڈٹ فوری کروانے کی بھی ہدایت کی، تاکہ مستقبل میں اس قسم کے واقعات سے بچاؤ ممکن ہو۔
