خیبر پختونخوا، کوہاٹ میں تیل اور گیس کے نئے ذخائر دریافت

آئل اینڈ گیس ڈیولپمنٹ کمپنی لمیٹڈ (او جی ڈی سی ایل) نے خیبرپختونخوا کے ضلع کوہاٹ میں تیل و گیس کے نئے وسیع ذخائر دریافت کرنے کا اعلان کیا ہے۔

یہ بھی پڑھیں:او جی ڈی سی ایل نے کوہاٹ میں اہم ہائیڈروکاربن ذخائر دریافت کرلیے

او جی ڈی سی ایل کے ترجمان کے مطابق براگزئی ایکس ون کنویں سے روزانہ 3 ہزار 100 بیرل خام تیل اور 81 ہزار 500 مکعب فٹ گیس پیدا ہوگی۔

ترجمان نے بتایا کہ یہ او جی ڈی سی ایل کی گزشتہ ایک ماہ کے دوران نشپا بلاک میں مسلسل تیسری بڑی دریافت ہے، اور حالیہ تین دریافتوں سے مجموعی طور پر یومیہ 9 ہزار 480 بیرل خام تیل حاصل ہو رہا ہے۔

انہوں نے مزید کہاکہ یہ پیداوار ملکی خام تیل کی مجموعی پیداوار کا 14.5 فیصد ہے اور حالیہ کامیابیاں قومی توانائی کی سلامتی کے لیے ایک اہم سنگِ میل ثابت ہوں گی۔

ترجمان نے زور دیا کہ مقامی وسائل کے فروغ سے ملک میں توانائی کی طلب اور رسد دونوں میں بہتری آئے گی۔