فروری 2026 میں پاکستان اور بھارت کی کرکٹ ٹیمیں 3 مختلف ایونٹس میں ایک دوسرے کے مدمقابل آئیں گی، جن کی تاریخیں بھی سامنے آگئی ہیں۔
روایتی حریف پاکستان اور بھارت کی ٹیمیں آئی سی سی انڈر 19 ورلڈ کپ کے سپر سکس مرحلے، ٹی20 ورلڈ کپ 2026 اور ویمنز ایشیا کپ رائزنگ اسٹارز میں آمنے سامنے ہوں گی۔
یہ بھی پڑھیں: انڈر19 ایشیا کپ، ایک بار پھر پاک بھارت ٹاکرے کا امکان
آئی سی سی انڈر 19 ورلڈ کپ میں پاکستان نے گروپ مرحلے میں نمایاں کارکردگی کا مظاہرہ کیا، جس کے بعد سپر سکس مرحلے میں پاکستان اور بھارت کے درمیان مقابلہ یکم فروری کو شیڈول کیا گیا ہے۔
ٹی20 ورلڈ کپ 2026 کے اہم میچ میں پاکستان اور بھارت 15 فروری کو سری لنکا کے شہر کولمبو میں مدِ مقابل ہوں گے۔
اسی طرح ویمنز ایشیا کپ رائزنگ اسٹارز کے تحت بھی پاکستان اور بھارت کی ویمنز ٹیمیں 15 فروری کو میدان میں اتریں گی۔
یہ بھی پڑھیں: ’کھیل جاری رہنا چاہیے‘، گنگولی کا پاک بھارت ایشیا کپ ٹاکرے پر تبصرہ
پاک بھارت میچز کو عالمی سطح پر غیر معمولی دلچسپی سے دیکھا جاتا ہے، کرکٹ شائقین کی توجہ دونوں ٹیموں کی حکمت عملی، کھلاڑیوں کی فارم اور ایونٹس کی صورتحال پر مرکوز رہے گی۔
