پاکستان تحریک انصاف (پی ٹی آئی) کے سینیئر رہنما زلفی بخاری نے وزیراعظم کے معاون خصوصی عبدالغفار ڈوگر کے سرکاری لیٹر ہیڈ پر جاری مراسلے پر تشویش کا اظہار کیا ہے۔
سماجی رابطے کی ویب سائٹ پر مذکورہ مراسلے کو شیئر کرتے ہوئے اپنی ٹوئٹ میں زلفی بخاری نے لکھا کہ عبدالغفار ڈوگر نے اپنی ہی حکومت سے درخواست کی ہے کہ وہ بعض افراد کو گرفتار یا ہراساں نہ کریں کیونکہ وہ پی ٹی آئی چھوڑ کر ن لیگ میں شامل ہوگئے ہیں۔
SAPM Abdul Ghaffar Dogar has requested his own govt not to arrest or harass certain individuals as they have left PTI and joined them. This proves even further that the arrests, threats and trials are not based on any facts or realities , rather simply “guilty by affiliation” If… pic.twitter.com/ZjKpJ8RhDR
— Sayed Z Bukhari (@sayedzbukhari) May 28, 2023
زلفی بخاری نے کہا کہ غفار ڈوگر کے مراسلے سے ثابت ہوتا ہے کہ گرفتاریاں، دھمکیاں اور ٹرائل حقیقت پر مبنی نہیں ہیں۔
انھوں نے کہا کہ جو لوگ عمران خان کے ساتھ کھڑے ہیں یا پی ٹی آئی سے وابستہ ہیں وہی جیل جا رہے ہیں اور تشدد کا نشانہ بنایا جا رہا ہے۔
واضح رہے کہ وزیراعظم کے معاون خصوصی عبدالغفار ڈوگر کے لیٹر ہیڈ پر لکھی ہوئی ایک تحریر سوشل میڈیا پر گردش کر رہی ہے جس میں انھوں نے کچھ لوگوں کے نام لکھ کر کہا ہے کہ یہ مسلم لیگ ن میں شامل ہو چکے ہیں ان کو گرفتار نہ کیا جائے۔
