مولانا طارق جمیل کی لاہور میں بسنت منانے کی ویڈیو وائرل، حقیقت کیا ہے؟

لاہور میں گزشتہ رات 12 بجے سے تین روزہ بسنت کا جشن سخت حفاظتی انتظامات کے ساتھ شروع ہو گیا ہے۔ شہر بھر کی چھتوں پر پتنگ بازی اور رونقیں عروج پر ہیں، جبکہ ملک بھر اور بیرونِ ملک سے بھی شہری لاہور آ کر بسنت کی تقریبات میں شریک ہو رہے ہیں۔

سوشل میڈیا پر پاکستان کی معروف مذہبی شخصیت مولانا طارق جمیل کی بھی ایک ویڈیو سوشل میڈیا پر وائرل ہو رہی ہے جس میں انہیں اسٹار بیٹر بابراعظم اور ایک خاتون کے ہمراہ لاہور کی چھت پر بسنت کا تہوار مناتے دیکھا جا سکتا ہے۔

مختاریا گل ود گئی اے ۔۔۔
مولانا طارق جمیل بھی بسنت منانے لاہور پہنچ گئے ۔۔۔ "وائرل ویڈیو" pic.twitter.com/0Hl1wtPc7p

— Tahir Mughal Pmln (@Tahirmughalpml8) February 5, 2026

ویڈیو سوشل میڈیا پر وائرل ہوئی تو صارفین اس پر مختلف تبصرے کرتے نظر آئے۔ کچھ صارفین نے بسنت منانے کی شرعی حیثیت پر سوالات اٹھائے اور سوال کیا کہ کیا بسنت منانا جائز ہے؟ جبکہ دیگر نے اسے مصنوعی ذہانت (اے آئی) سے تخلیق شدہ قرار دیا۔

طاہر بھائی اے آئی ہے فیک بابر اعظم تو سری لنکا میں ہیں

— Waseem Kamboh (@WaseemK74826618) February 5, 2026

صحافی عبدالقیوم صدیقی نے سوال کیا کہ اس ایڈیٹنگ میں کون سا سافٹ ویئر استعمال کیا گیا ہے؟

یہ کونسا سافٹ وئیر استعمال کیا بھائی نے

— Abdul Qayyum Siddiqui (@QayyumReports) February 5, 2026

صارفین کا کہنا تھا کہ بابراعظم اس وقت ورلڈ کپ کی تیاری میں مصروف ہیں وہ بسنت منانے لاہور کیسے آ سکتے ہیں۔

واضح رہے کہ حکومت نے 6، 7 اور 8 فروری 2026 کو پتنگ بازی کی اجازت دی ہے تاہم اس کے لیے سخت قواعد و ضوابط بھی مرتب کیے گئے ہیں تاکہ احتیاطی تدابیر کو یقینی بنایا جا سکے۔