بنگلہ دیش کرکٹ بورڈ (بی سی بی) کے صدر امین الاسلام نے قذافی اسٹیڈیم میں چیئرمین پاکستان کرکٹ بورڈ (پی سی بی) محسن نقوی سے ملاقات کی ہے۔
اس موقع پر امین الاسلام نے ٹی 20 ورلڈکپ میں بھارت کے خلاف بنگلہ دیش کے مؤقف کی حمایت پر پاکستان کا شکریہ ادا کیا۔
مزید پڑھیں: ٹی20 ورلڈ کپ تنازع: رانا ثنااللہ نے بنگلہ دیش کے ساتھ کھڑے ہونے کی تجویز دیدی
پی سی بی چیئرمین محسن نقوی نے بھی بی سی بی صدر کا گرمجوشی سے استقبال کیا۔ ملاقات میں پاکستان اور بنگلادیش کے کرکٹ حکام کے درمیان باہمی تعاون اور ورلڈکپ میں پیش آنے والے مسائل پر تبادلہ خیال کیا گیا۔
میڈیا رپورٹس کے مطابق اس ملاقات کا اہم ایجنڈا یہ تھا کہ پاکستان کو بھارت کے خلاف راؤنڈ میچ کھیلنے کے حوالے سے بنگلہ دیش کی حمایت حاصل کی جائے۔
Bangladesh Cricket Board (BCP) President Mr Aminul Islam being received at the Lahore Airport by Mr Salman Naseer and others۔ pic.twitter.com/LrMbaiJlNb
— Amir Mir (@AmirMirpcb) February 8, 2026
اس سلسلے میں آئی سی سی کے ڈپٹی چیئرمین عمران خواجہ بھی قذافی اسٹیڈیم پہنچے جہاں پی سی بی اور آئی سی سی کے حکام کے درمیان مذاکرات جاری ہیں۔
مزید پڑھیں: آئی سی سی کے فیصلوں کی وجہ سے کرکٹ میں بڑھتی ہوئی تقسیم پر بنگلہ دیش کرکٹ بورڈ کی تشویش
واضح رہے کہ پاکستان نے بنگلہ دیش سے اظہار یکجہتی کرتے ہوئے ورلڈکپ میں بھارت کے خلاف میچ نہ کھیلنے کا اعلان کیا ہے۔
اس فیصلے سے نہ صرف پاک بھارت میچ ممکن نہیں ہو سکا بلکہ آئی سی سی کو بھی مالی نقصانات کا سامنا کرنا پڑ رہا ہے۔
