مشہور گلوکار اور موسیقار اریجیت سنگھ نے پلے بیک گلوکاری سے ریٹائرمنٹ کا اعلان کرنے کے دو ہفتے بعد اپنے مداحوں کو ایک لائیو پرفارمنس کے ذریعے حیران کر دیا۔
گزشتہ ہفتے کولکتہ کے نیتاجی انڈور اسٹیڈیم میں ستار کی ماہر انوشکا شنکر نے اریجیت کو خصوصی مہمان کے طور پر اسٹیج پر مدعو کیا۔ اس موقع پر انہوں نے اور اریجیت نے مایا بھورا راتی پیش کیا جو لکشمی شنکر کے گائے ہوئے بنگالی گانے کی روایت کو زندہ کرتی ہے اور پنڈت روی شنکر کی کمپوزیشن پر مبنی ہے۔
View this post on Instagram
اس پرفارمنس کی ویڈیوز سوشل میڈیا پر وائرل ہو گئیں اور صارفین نے اریجیت کی مہارت کی تعریف کرتے ہوئے کہا کہ وہ ایک بہترین گلوکار ہیں اور اب اپنی جڑوں اور اصل موسیقی پر توجہ دے رہے ہیں۔
واضح رہے کہ چند دن قبل بھارتی فلم انڈسٹری کے معروف پلے بیک سنگر اریجیت سنگھ نے گلوکاری سے کنارہ کشی کا اعلان کرتے ہوئے کہا تھا کہ وہ اب بطور پلے بیک سنگر کوئی نیا پراجیکٹ قبول نہیں کریں گے۔
View this post on Instagram
انہوں نے لکھا کہ وہ اس سفر کو یہیں ختم کر رہے ہیں اور یہ ان کے لیے ایک شاندار اور یادگار سفر رہا۔
