پاکستان سپر لیگ (پی ایس ایل) سیزن 11 کے لیے پشاور زلمی نے تجربہ کار کوچ اوٹس گبسن کو ٹیم کا ہیڈ کوچ مقرر کرنے کا اعلان کر دیا ہے۔
پشاور زلمی نے سماجی رابطے کی ویب سائٹ ایکس پر جاری بیان میں کہا کہ وہ آزمودہ اسٹار اوٹس گبسن کو اپنی ٹیم کا ہیڈ کوچ مقرر کرنے پر فخر محسوس کر رہے ہیں۔
یہ بھی پڑھیے: افغان کرکٹر رحمان اللہ گرباز پی ایس ایل سے کیوں دستبردار ہوئے؟ پشاور زلمی کا وضاحتی بیان جاری
بیان میں انہیں ایک ‘ثابت شدہ رہنما’ قرار دیا گیا جو چیمپئن ذہنیت کے حامل ہیں اور ٹیم کو واضح حکمت عملی، مضبوط قیادت اور واضح مقصد کے ساتھ آگے لے جانے کی صلاحیت رکھتے ہیں۔
We are proud to appoint the battle-hardened @MrODGibson as our 𝐇𝐞𝐚𝐝 𝐂𝐨𝐚𝐜𝐡 for PSL 11.
A proven leader with a champion’s mindset, ready to guide our troops with clarity, strength and purpose. The Yellow Storm’s journey just got stronger. 💛⚡Welcome aboard, Coach!… pic.twitter.com/Qgs5iQhBxd
— Peshawar Zalmi (@PeshawarZalmi) February 10, 2026
فرنچائز کے مطابق اوٹس گبسن کی تقرری سے ’ییلو اسٹورم‘ کی مہم مزید مضبوط ہو گئی ہے۔
پشاور زلمی نے اپنے پیغام میں نئے کوچ کو خوش آمدید کہتے ہوئے انہیں ’زلمی فیملی‘ کا حصہ بننے پر خیرمقدم کیا۔
