بنگلہ دیش میں 13ویں قومی پارلیمانی انتخابات کے سلسلے میں ملک بھر کے 299 حلقوں میں ووٹنگ کا عمل مکمل ہو گیا ہے۔ دارالحکومت میں مختلف پولنگ اسٹیشنز کے دورے کے بعد صحافیوں سے گفتگو کرتے ہوئے بی این پی کے چیئرمین طارق رحمان نے کہا کہ وہ اُن جماعتوں کے ساتھ مل کر ملک چلانا چاہتے ہیں جنہوں نے ماضی کی احتجاجی تحریکوں میں ان کا ساتھ دیا۔
یہ بھی پڑھیں: بنگلہ دیش عام انتخابات 2026: خواتین گھریلو کام نمٹا کر پولنگ مراکز پر امڈ پڑیں
طارق رحمان نے کہا کہ میں ملک کو اُن سیاسی قوتوں کے ساتھ مل کر چلانا چاہتا ہوں جن کے ساتھ ہم نے جدوجہد کی اور مہم چلائی اور ہم خیال جماعتوں کے درمیان اتحاد پر زور دیا۔
یہ بیان ایسے وقت میں سامنے آیا جب میڈیا ادارے انتخابی دن کی ویڈیوز اور تجزیے نشر کر رہے تھے، جن میں ووٹر ٹرن آؤٹ اور ڈھاکہ سمیت دیگر علاقوں کے پولنگ مراکز کے مناظر دکھائے گئے۔ مزید ویڈیوز میں عوامی ردِعمل اور ملک کے مختلف حصوں سے رپورٹ ہونے والے چند واقعات بھی شامل تھے۔
یہ بھی پڑھیں:بنگلہ دیش عام انتخابات 2026: جماعت اسلامی اور بی این پی میں مقابلہ سخت، کون جیتے گا، کوئی نہیں جانتا
الیکشن حکام کی جانب سے تاحال حتمی نتائج کا اعلان نہیں کیا گیا۔
