قومی کرکٹ ٹیم کے سابق آل راؤنڈر عماد وسیم نے سوشل میڈیا انفلوئنسر نائلہ ذوالفقار راجہ سے دوسری شادی کر لی ہے۔ شادی کی تصاویر اور ویڈیوز سوشل میڈیا پر وائرل ہونے کے بعد یہ خبر تیزی سے توجہ کا مرکز بن گئی۔
دوسری جانب عماد وسیم کی سابق اہلیہ ثانیہ اشفاق کی جانب سے کرکٹر پر نہایت سنگین نوعیت کے الزامات عائد کیے گئے ہیں۔ سوشل میڈیا پر جاری اپنے بیان میں انہوں نے بچے کے قتل جیسے الزامات لگاتے ہوئے دعویٰ کیا کہ ان کے پاس اس حوالے سے ویڈیو شواہد بھی موجود ہیں۔
View this post on Instagram
تاہم ان الزامات پر عماد وسیم کی جانب سے تاحال کوئی باضابطہ ردعمل سامنے نہیں آیا لیکن نائلہ راجہ کے بارے میں صارفین کا تجسس بڑھ گیا ہے کہ آخر وہ کون ہیں؟
نائلہ ذوالفقار راجہ کون ہیں؟
نائلہ ذوالفقار راجہ ایک معروف پاکستانی وکیل، سوشل میڈیا انفلوئنسر اور ڈیجیٹل کریئیٹر ہیں۔ وہ انسٹاگرام پر لائف اسٹائل اور بیوٹی سے متعلق مواد شیئر کرنے کے باعث شہرت رکھتی ہیں، جہاں ان کے فالوورز کی تعداد 6 لاکھ 60 ہزار سے زائد ہے جبکہ یوٹیوب پر بھی ان کے ہزاروں سبسکرائبرز موجود ہیں۔ حالیہ تنازعے کے بعد انہیں سوشل میڈیا پر مزید توجہ حاصل ہوئی ہے۔
View this post on Instagram
یاد رہے کہ عماد وسیم اور ثانیہ اشفاق اگست 2019 میں رشتۂ ازدواج میں منسلک ہوئے تھے اور ان کے 3 بچے ہیں۔
