فیفا کے صدر جیانی انفانٹینو نے دعویٰ کیا ہے کہ 2026 فٹبال ورلڈ کپ کے تمام 104 میچز فروخت ہو چکے ہیں، حالانکہ ایونٹ کے آغاز (11 جون) سے قبل اب بھی ٹکٹس دستیاب ہیں۔
مزید پڑھیں: فیفا کے صدر جیانی انفانٹینو کا جلد پاکستان کے دورے کا اعلان
انہوں نے امریکی نشریاتی ادارے سی این بی سی کو انٹرویو دیتے ہوئے کہا کہ 4 ہفتوں میں قریباً 7 ملین دستیاب ٹکٹس کے لیے 508 ملین درخواستیں موصول ہوئیں، جبکہ جنوری میں مرکزی فروخت کے مرحلے کے دوران 200 سے زائد ممالک سے درخواستیں آئیں۔
انفانٹینو، جو امریکی صدر ٹرمپ کی رہائش گاہ سے گفتگو کر رہے تھے، کا کہنا تھا کہ کچھ ٹکٹس اپریل میں شروع ہونے والے آخری فروختی مرحلے کے لیے محفوظ رکھے گئے ہیں، جو 19 جولائی تک جاری رہے گا۔
The @FIFAWWC 2027 is 500 days away! 🤩
The moment Brazil were announced as hosts… 🇧🇷 pic.twitter.com/OH98SfUOCj
— FIFA (@FIFAcom) February 9, 2026
ٹکٹوں کی بلند قیمتوں پر تنقید کے حوالے سے انہوں نے کہا کہ امریکا، کینیڈا اور میکسیکو میں ہونے والے اس ورلڈ کپ میں ’ڈائنامک پرائسنگ‘ نظام رائج ہے، جس کے تحت قیمتیں طلب کے مطابق بڑھ یا گھٹ سکتی ہیں، جبکہ سرکاری پلیٹ فارمز پر ری سیل کی سہولت بھی دستیاب ہے۔
مزید پڑھیں: فیفا صدر جیانی انفانٹینو سے ملاقات، ارشد ندیم عالمی اسپورٹس آئیکون بن گئے
فیفا صدر کے مطابق 48 ٹیموں پر مشتمل پہلا ورلڈ کپ فیفا کو 11 ارب ڈالر سے زائد آمدن دے سکتا ہے، جسے تنظیم کے 211 رکن ممالک میں فٹبال کے فروغ پر خرچ کیا جائے گا۔ انہوں نے اندازہ ظاہر کیا کہ ٹورنامنٹ سے امریکی معیشت کو قریباً 30 ارب ڈالر کا فائدہ ہوگا، جبکہ 1 لاکھ 85 ہزار فل ٹائم ملازمتیں پیدا ہوں گی اور 20 سے 30 ملین سیاح متوقع ہیں۔
انفانٹینو نے کہا کہ ورلڈ کپ کا اثر صرف ایونٹ تک محدود نہیں رہے گا بلکہ مستقبل میں بھی اس کے مثبت معاشی اثرات جاری رہیں گے۔
