کس شرط پر لوگوں سے ویڈیو کال پر بات کریں گے؟ شاہد آفریدی کی منفرد انداز میں برانڈ کی تشہیر

 قومی کرکٹ ٹیم کے سابق کپتان شاہد آفریدی نے اپنے فینز کے لیے ایک ایسے سرپرائز اعلان کیا ہے۔ انہوں نے کہا ہے کہ جو بھی ان کے برانڈ ’ہوپ ناٹ آؤٹ‘ سے 5 سوٹ خریدے گا وہ خود ویڈیو کال پر فین اور اس کی فیملی سے بات کریں گے۔

وائرل ویڈیو میں آفریدی نے بڑی سنجیدگی سے بتایا کہ میرے فینز کے لیے سرپرائز یہ تھا کہ جو بھی میری دکان سے پانچ سوٹ لے گا میں خود کال کروں گا اور اس کی فیملی سے میری ویڈیو کال پر بات ہوگی۔

میری دوکان سے 5 سوٹ لیں، میں آپکے اہلخانہ سے کال پر بات کروں گا۔
شاہد آفریدی کی فخریہ پیشکش pic.twitter.com/PzjvAnqwft

— Muhammad Umair (@MohUmair87) February 24, 2026

تاہم کئی سوشل میڈیا صارفین نے اس ’سرپرائز‘ کو فوراً کاروباری عینک سے دیکھنا شروع کر دیا اور یہ سوال اٹھایا کہ کیا 5 سوٹ کی خریداری واقعی ایک خصوصی انعام ہے یا یہ چھکا دراصل براہِ راست صارفین کی جیبوں پر مارا گیا ہے؟

ایک صارف نے شاہد آفریدی کی ویڈیو پر تبصرہ کرتے ہوئے کہا کہ ’لگتا ہے دکان نہیں چل رہی‘۔ جبکہ دوسرے نے طنزاً کہا کہ لگتا ہے پچھلے چند سالوں میں ان کا بزنس کافی متاثر ہوا ہے۔

لگتا ہے دکان نہیں چل رہا https://t.co/vxfLWymat0

— Tapaswee Jee ☭ (@therightnumberr) February 24, 2026

شاہد آفریدی کی پیشکش پر ان کے حامیوں نے کہا کہ آفریدی کے دنیا بھر میں کروڑوں مداح موجود ہیں جو ان سے براہِ راست بات چیت کو اعزاز سمجھتے ہیں۔ ایسے میں اگر وہ اپنے برانڈ کے کپڑوں کی خریداری کے ساتھ ویڈیو کال کا وعدہ کر رہے ہیں تو یہ ایک منفرد اور تخلیقی مارکیٹنگ حکمتِ عملی ہے۔

جبکہ کئی صارفین یہ کہتے نظر آئے کہ اگر کسی فین کو اپنے پسندیدہ کرکٹر سے بات کرنے کا موقع ملتا ہے تو یقیناً بہت سے لوگ اس پیشکش سے فائدہ اٹھائیں گے۔

واضح رہے کہ آفریدی نے اپنے کرکٹ کے بعد کاروباری دنیا میں بھی قدم رکھا ہے۔ انہوں نے کپڑوں کا برانڈ ’ہوپ ناٹ آؤٹ‘ متعارف کرایا ہے اور ساتھ ہی اپنے اسکن کیئر برانڈ ’اوہ لالا‘ بھی لانچ کیا ہے۔