روسی ہتھیار ساز کمپنی کلاشنکوف کنسرن نے بڑی کامیابی حاصل کرتے ہوئے ایک نیا خود کش ڈرون متعارف کرا دیا ہے، جس کی حد 100 کلومیٹر سے زیادہ ہے۔
مزید پڑھیں: ملازمت کے نام پر روس یوکرین جنگ کا ایندھن بنائے جانے والے بھارتی شہری کی ویڈیو وائرل
کمپنی کی جانب سے تیار کردہ ڈرون KUB-10ME ایک ٹیکٹیکل سطح کا ہتھیار ہے جو فرنٹ لائن کے قریب اہداف پر حملہ کرنے کے لیے ڈیزائن کیا گیا ہے۔
کمپنی کے مطابق یہ ہتھیار اسرائیل کے ایل بٹ اسکائی اسٹریکَر اور جرمنی کے رہین میٹل FV-014 کے ہتھیاروں کے برابر ہے۔
کمپنی کے مطابق یہ ہتھیار یوکرین کے تنازع میں حاصل تجربے کی بنیاد پر ریکارڈ وقت میں تیار کیا گیا۔
ماہرین کے مطابق روس اور یوکرین کے درمیان جاری جھڑپوں نے ڈرون ٹیکنالوجی کی ترقی کو تیز کر دیا ہے، خاص طور پر سستے، قلیل فاصلے کے کواڈ کاپٹرز میدان جنگ میں اب عام ہو چکے ہیں۔
مزید پڑھیں: ٹرمپ پیوٹن ملاقات: امن معاہدے پر پیشرفت، روس یوکرین جنگ بندی کا اعلان نہ ہوسکا
واضح رہے کہ امریکی صدر ڈونلڈ ٹرمپ کی کوششوں کے باوجود روس اور یوکرین کی جنگ جاری ہے، اور جنگ بندی کے لیے کوئی مثبت پیشرفت نہیں ہو سکی۔
