معروف اداکار اور پرورش ڈرامہ کے فنکار نعمان اعجاز نے رمضان کے اصل امتحان کے بارے میں سوچنے پر مجبور کرنے والا پیغام شیئر کیا ہے۔
یہ بھی پڑھیں: ’قوم جاہل ہے‘، باوضو ہوکر اداکاری کرنے سے متعلق بیان پر تنقید نے نعمان اعجاز کو غصہ دلا دیا
نعمان اعجاز نے جمعرات، 26 فروری کو انسٹاگرام پر پیغام جاری کرتے ہوئے لکھا کہ رمضان کی اصل آزمائش صرف پیٹ کی نہیں بلکہ زبان اور دماغ کی ہے۔ انہوں نے مزید کہا کہ اگر کسی نے رمضان میں نفس پر قابو پا لیا تو سمجھیں کہ اسے وہ اجر حاصل ہوگیا جس کے لیے فرشتے دعا کرتے ہیں۔
اداکار نے اپنے پیغام کا اختتام برکت کی دعا کے ساتھ کیا اور کہا کہ رمضان کی یہ روحانی طاقت انسان کو اپنے اعمال کی درست سمت پر لے جاتی ہے۔
یہ بھی پڑھیں: ’اگر تقویٰ ہوتا تو 30 ہزار کا بکرا لاکھ میں نہ بکتا‘، اداکار نعمان اعجاز کی تنقید
یاد رہے کہ ان دنوں نعمان اعجاز اس وقت نجی ٹی وی کے ڈراما سیریل شرپسند میں نظر آرہے ہیں، جس میں حرا مانی، حریم فاروق اور افان وحید بھی شامل ہیں۔ یہ ڈرامہ احسن طالش کے ہدایت کاری میں ہر بدھ اور جمعرات کو نشر کیا جاتا ہے۔
ڈرامے کی کہانی ایک جوڑے کے گرد گھومتی ہے جس کی زندگیوں میں اداکار کے کردار کے اعمال کی وجہ سے پیچیدگیاں پیدا ہو جاتی ہیں۔
