پاکستان کا افغان طالبان رجیم کے خلاف شروع کیا گیا آپریشن غضب للحق جاری ہے، اور اب تک مختلف کارروائیوں میں 415 افغان طالبان ہلاک ہو چکے ہیں، جبکہ 580 سے زیادہ زخمی ہیں۔
مزید پڑھیں: آپریشن غضب للحق جاری: 352 افغان طالبان ہلاک، 130 چیک پوسٹیں تباہ، 26 پر قبضہ کرلیا گیا
وفاقی وزیر اطلاعات عطااللہ تارڑ نے آپریشن غضب للحق کے حوالے سے تازہ ترین اعدادوشمار جاری کیے ہیں۔
Operation Ghazb lil Haq
Update 1600 hours 1 Mar✅ Summary of Afg Taliban losses
▪️ 415 Killed,
▪️580+ Injured,
▪️182 Check posts destroyed,
▪️31 Post Captured,
▪️185 Tanks, Armed vehs, Arty guns Destroyed
▪️46 Locs across Afg eff tgt by air— Attaullah Tarar (@TararAttaullah) March 1, 2026
عطااللہ تارڑ کے مطابق اب تک مختلف کارروائیوں میں 415 افغان طالبان ہلاک ہو چکے ہیں۔ اس کے علاوہ 182 چیک پوسٹیں تباہ کردی گئی ہیں، جبکہ 31 پر پاکستان نے قبضہ کرلیا ہے۔
انہوں نے بتایا کہ پاکستان کی جانب سے کی گئی کارروائیوں میں 185 ٹینک اور مسلح گاڑیاں تباہ کی گئیں جبکہ افغانستان بھر میں 46 مقامات کو مؤثر انداز میں فضائی کارروائیوں کا نشانہ بنایا گیا۔
واضح رہے کہ افغان طالبان نے پاکستان کے سرحدی علاقوں میں عسکری کارروائیاں کی تھیں، جس کے جواب میں پاک فوج نے آپریشن غضب للحق کا اعلان کیا۔
مزید پڑھیں: پاکستان کی بھرپور جوابی کارروائی سے خوفزدہ افغانستان نے قطر کا دروازہ کھٹکھٹا لیا
پاکستان نے افغانستان پر واضح کیا ہے کہ اسے کالعدم ٹی ٹی پی یا پاکستان میں سے کسی ایک کا انتخاب کرنا ہوگا۔
