اتحاد ایئرویز نے علاقائی فضائی حدود میں جاری بندش کے باعث اپنی پروازوں سے متعلق اہم آپریشنل اپ ڈیٹ جاری کر دی ہے۔
ایئرلائن کے مطابق ابو ظہبی آنے اور جانے والی تمام پروازیں منگل 3 مارچ کو متحدہ عرب امارات کے وقت کے مطابق دوپہر 2 بجے تک معطل رہیں گی۔
یہ بھی پڑھیں: ایران اسرائیل جنگ: خلیجی ممالک کی فضائی حدود بند، پروازیں معطل، مسافروں کو ہدایات جاری
ایئرلائن نے سوشل میڈیا پلیٹ فارم ایکس پر جاری بیان میں کہا کہ فضائی حدود کی بندش کے باعث آپریشنز متاثر ہو رہے ہیں۔
’تاہم مسافروں کی حفاظت اولین ترجیح ہے اور سروسز اسی وقت بحال کی جائیں گی جب تمام حفاظتی تقاضے پورے ہو جائیں گے۔‘
مسافروں کے لیے اہم ہدایات
اتحاد ایئرویز نے متاثرہ مسافروں کو ہدایت کی ہے کہ وہ ایئرپورٹ روانگی سے قبل اپنی پرواز کی تازہ ترین صورتحال ویب سائٹ etihad.com پر چیک کریں اور اپنی بکنگ میں درج رابطہ معلومات کو اپ ڈیٹ رکھیں۔
Regional Airspace Disruption – Operational Update
Regional airspace closures continue to impact Etihad's operations, and all flights to and from Abu Dhabi are suspended until 14:00 UAE time on Tuesday 3 March.
Guests due to travel are advised to:
-Check their flight status at…
— Etihad Airways (@etihad) March 2, 2026
ایئرلائن کے مطابق 28 فروری 2026 تک جاری ہونے والے اور 7 مارچ 2026 تک کی اصل سفری تاریخ رکھنے والے ٹکٹ ہولڈرز 18 مارچ 2026 تک اتحاد کی آپریٹڈ پروازوں پر بغیر کسی اضافی فیس کے نئی بکنگ کروا سکتے ہیں۔
مزید پڑھیں: پی آئی اے اور اتحاد ایئرویز کے درمیان کوڈشیئر معاہدہ طے پاگیا
اسی طرح 7 مارچ تک کی تمام پروازوں کے مسافر مکمل ریفنڈ کی درخواست ویب سائٹ یا اپنے ٹریول ایجنٹ کے ذریعے دے سکتے ہیں اور جن مسافروں نے ٹریول ایجنٹ کے ذریعے بکنگ کرائی ہے انہیں براہِ راست اپنے ایجنٹ سے رابطہ کرنے کی ہدایت کی گئی ہے۔
ایئرلائن نے مزید بتایا کہ کال سینٹر پر غیر معمولی رش کے باعث فون کالز کے جواب میں تاخیر ہو سکتی ہے، اس لیے ریفنڈ کے خواہشمند مسافروں کو آن لائن فارم استعمال کرنے کا مشورہ دیا گیا ہے۔
اتحاد ایئرویز نے اپنے بیان میں واضح کیا کہ صورتحال پر مسلسل نظر رکھی جا رہی ہے اور جیسے ہی حالات معمول پر آئیں گے، پروازوں کی بحالی کا اعلان کر دیا جائے گا۔
