امریکا کے محکمہ خارجہ نے ایران کے خلاف جاری امریکی و اسرائیلی حملوں کے دوران اپنے شہریوں کو مشرقِ وسطیٰ کے ایک درجن سے زائد ممالک فوری طور پر چھوڑنے کی ہدایت جاری کردی ہے۔
محکمہ خارجہ کی اسسٹنٹ سیکریٹری برائے قونصلر امور مورا نامدار کے مطابق امریکی شہریوں کو ہدایت کی گئی ہے کہ وہ بحرین، مصر، ایران، عراق، اسرائیل، مقبوضہ مغربی کنارے اور غزہ، اردن، کویت، لبنان، عمان، قطر، سعودی عرب، شام، متحدہ عرب امارات اور یمن سے کمرشل ذرائع کے ذریعے فوری روانہ ہوجائیں۔
یہ بھی پڑھیے: ایران امریکا کشیدگی: بھارت کی اپنے شہریوں کو تہران چھوڑنے کی ہدایت
بیان میں کہا گیا ہے کہ خطے میں حملوں کی شدت، ایران کے سپریم لیڈر آیت اللہ علی خامنہ ای کی ہلاکت اور کسی واضح اخراجی منصوبے کی عدم موجودگی نے طویل اور وسیع اثرات کی حامل جنگ کے خدشات کو مزید بڑھا دیا ہے۔
امریکی حکام کے مطابق صورتحال تیزی سے بدل رہی ہے اور شہریوں کو ہدایت کی گئی ہے کہ وہ مقامی سیکیورٹی صورتحال پر نظر رکھیں اور سفری ہدایات پر سختی سے عمل کریں۔
