اڈیالہ جیل میں قید بانی تحریک انصاف عمران خان کی متاثرہ آنکھ کا تفصیلی طبی معائنہ کیا گیا، جبکہ بشریٰ بی بی سے ان کی ملاقات بھی کرا دی گئی۔
میڈیا رپورٹس کے مطابق معائنے کے لیے پاکستان انسٹی ٹیوٹ آف میڈیکل سائنسز اور الشفا ٹرسٹ آئی اسپتال کے ماہر ڈاکٹروں کی ٹیم جیل پہنچی۔
ٹیم میں ریٹینا اسپیشلسٹ ڈاکٹر ندیم قریشی اور ماہر امراض چشم ڈاکٹر عارف اور ڈاکٹر اوصل شامل تھے۔
میڈیکل ٹیم جدید طبی آلات سے لیس خصوصی گاڑی کے ذریعے پہنچی اور انہیں جیل اسپتال کے ڈاکٹروں اور عملے کی مکمل معاونت حاصل رہی۔ معائنے کے بعد ڈاکٹروں نے فالو اپ چیک اپ مکمل کیا اور واپس روانہ ہوگئے۔
اسی دوران بشریٰ بی بی کی بانی تحریک انصاف عمران خان سے ملاقات بھی کرائی گئی۔
یہ ملاقات جیل کے کانفرنس روم میں جیل کے قواعد کے مطابق ہوئی، جہاں دونوں قریباً 40 منٹ تک ایک ساتھ رہے۔
میڈیا رپورٹس کے مطابق اس دوران بشریٰ بی بی نے بانی تحریک انصاف عمران خان کی متاثرہ آنکھ کے بارے میں دریافت کیا۔
