پاک آرمی کے ویٹرنز کے وفد نے جناح ہاؤس لاہورکا دورہ کیا اور 9 مئی کو پیش آنے والے واقعات کی شدید الفاظ میں مذمت کرتے ہوئے کہا کہ کوئی بھی محب وطن پاکستانی ملک اور اس کے شہدا کے ساتھ اس طرح کا سلوک نہیں کر سکتا جو ان شرپسندوں نے کیا ہے۔
دورے کے بعد میڈیا سے گفتگو کرتے ہوئے ویٹرنز آف آرمڈ فورسز نے کہا کہ یہ بہت ہی رنجیدہ کردینے والا واقعہ ہے، بابائے قوم کے گھر کو جلانے والے اور پاکستان کی سرحدوں کے محافظوں کی بے حرمتی کرنے والے شرپسند کسی طور بھی قابلِ قبول نہیں ہیں اسکی جتنی بھی مذمت کی جائے وہ کم ہے۔
’کوئی بھی محب وطن پاکستانی اپنے شہدا کی یادگاروں کے ساتھ ایسا نہیں کر سکتا۔‘
مزید پڑھیں
میڈیا سے اظہار خیال کرتے ہوئے ویٹرنز نے کہا کہ 9 مئی کے دلخراش واقعات کے بعد شہداء پاک فوج کے لواحقین سمیت غازیانِ پاک فوج کے دل بھی صدمے سے دوچار ہیں اور وہ دُکھ کے عالم میں ہیں۔
ویٹرنز نے حکومت سے مطالبہ کرتے ہوئے کہا کہ جو بھی اس افسوس ناک شرپسندی میں ملوث ہے، انکوکڑی سے کڑی سزا ملنی چاہیے۔
