سابق آسٹریلوی بلے باز عثمان خواجہ نے پاکستان کرکٹ بورڈ (پی سی بی) کے فیصلے پر تنقید کی ہے جس میں قومی ٹیم کے کھلاڑیوں کو مردانہ ٹی 20 ورلڈ کپ 2026 میں ناکامی کے بعد جرمانہ کیا گیا۔ خواجہ نے کہا کہ جرمانے سے ٹیم کی کارکردگی بہتر نہیں ہوگی اور کھلاڑی مسلسل دباؤ میں ہیں۔
یہ بھی پڑھیں:میچ سے قبل گالف کھیلنے پر تنقید غیرمنصفانہ تھی، اسٹیو اسمتھ عثمان خواجہ کی حمایت میں بول پڑے
عثمان خواجہ نے کہا کہ وہ حال ہی میں یہ سن کر حیران ہوئے کہ پاکستانی کھلاڑیوں پر جرمانے عائد کیے گئے ہیں۔ انہوں نے کہا کہ شروع میں مجھے یقین نہیں آیا کہ کھلاڑیوں پر جرمانہ لگا دیا گیا۔
یہ بھی پڑھیں:ٹی20 ورلڈ کپ سے اخراج مہنگا پڑگیا، پاکستانی کھلاڑیوں پر 50 لاکھ جرمانہ
سابق آسٹریلوی بلے باز نے مزید کہا کہ پاکستان کی ٹیم نے ماضی میں بہترین کرکٹ کھیلی ہے اور جرمانے لگا کر یہ نہیں کہا جا سکتا کہ آئندہ وہ بہتر کھیلیں گے۔ خواجہ نے کھلاڑیوں کے لیے ہمدردی ظاہر کرتے ہوئے کہا کہ پورا ملک انہیں مسلسل دیکھ رہا ہے اور یہ دباؤ کھلاڑیوں کے لیے بہت زیادہ ہے۔
