سپارکو نے کہا ہے کہ شوال کے چاند کی پیدائش 19 مارچ کو صبح 6 بج کر 23 منٹ پر ہوگی۔
سپارکو کے مطابق غروبِ آفتاب کے وقت چاند کی عمر قریباً 12 گھنٹے 41 منٹ ہوگی، جس کے باعث شام کے وقت چاند دیکھنے کے امکانات کم ہیں۔
اس پیش گوئی کے مطابق رواں سال رمضان کے 30 روزے مکمل ہونے کا امکان ہے اور عید الفطر کی تاریخ 21 مارچ متوقع ہے۔
سپارکو نے واضح کیا ہے کہ شوال کے چاند کی حتمی رویت کا اعلان مرکزی رویتِ ہلال کمیٹی کرے گی۔
اس حوالے سے مرکزی رویتِ ہلال کمیٹی کا اجلاس 19 مارچ کو اسلام آباد میں طلب کیا گیا ہے۔
اجلاس کی صدارت مولانا عبدالخبیر آزاد کریں گے، جبکہ اس میں تمام مکاتب فکر کے علماء، محکمہ موسمیات کے ماہرین اور متعلقہ اداروں کے نمائندے بھی شریک ہوں گے۔
