پاکستان نے بنگلہ دیش کو دوسرے ون ڈے انٹرنیشنل میچ میں ڈک ورتھ لوئس اسٹرن (ڈی ایل ایس) کے تحت 128 رنز سے شکست دے دی۔
میرپور میں کھیلے جارہے میچ میں بنگلادیش نے ٹاس جیت کر پہلے فیلڈنگ کا فیصلہ کی، پہلے بیٹنگ کرتے ہوئے پاکستان کی پوری ٹیم 47.3اوورز میں آؤٹ ہوگئی۔
یہ بھی پڑھیں: پہلا ون ڈے، بنگلہ دیش نے یکطرفہ مقابلے کے بعد پاکستان کو 8 وکٹوں سے شکست دے دی
پاکستان کی جانب سے صاحبزاد فرحان 31 رنز بنا کر آؤٹ ہوئے، معاذ صداقت نے 75 رنز کی اننگز کھیلی، شامل حسین 6 رنز بناکر پویلین لوٹے۔
محمد رضوان 44 رنز کے ساتھ نمایاں رہے، سلمان آغا نے ذمہ دارانہ کھیل پیش کرتے ہوئے 62 گیندوں پر 64 رنز اسکور کیے اور ٹیم کے مجموعے کو مضبوط بنیاد فراہم کی۔
بنگلہ دیش کی جانب سے رشاد حسین سب سے کامیاب بولر رہے جنہوں نے 3 کھلاڑیوں کو آؤٹ کیا، جبکہ مہدی حسن مرزا نے 2 وکٹیں حاصل کیں۔ تسکین احمد، نہید رانا اور مستفیض الرحمٰن نے ایک، ایک وکٹ اپنے نام کی۔
یہ بھی پڑھیں: بنگلہ دیش کے خلاف پہلے ون ڈے میں پاکستان کا ناپسندیدہ ریکارڈ
بارش کے باعث ہدف کو 32 اوورز میں 243 رنز تک محدود کیا گیا، تاہم بنگلہ دیشی ٹیم پاکستانی باؤلرز کے سامنے زیادہ دیر نہ ٹھہر سکی اور 23.3 اوورز میں 114 رنز پر ڈھیر ہوگئی۔ لٹن داس 41 رنز کے ساتھ نمایاں رہے جبکہ دیگر بیٹرز خاطر خواہ کارکردگی دکھانے میں ناکام رہے۔
پاکستان کی جانب سے حارث رؤف اور معاذ صداقت نے شاندار باؤلنگ کرتے ہوئے 3، 3 وکٹیں حاصل کیں جبکہ شاہین شاہ آفریدی نے 2 کھلاڑیوں کو آؤٹ کیا۔
یوں پاکستان نے یکطرفہ مقابلے کے بعد میچ 128 رنز سے اپنے نام کرلیا۔
پاکستان کی فائنل الیون میں صاحبزادہ فرحان،معاذ صداقت،شامل حسین،محمد رضوان،سلمان علی آغا، حسین طلعت،عبدالصمد،فہیم اشرف،شاہین آفریدی ، حارث رؤف اور محمد وسیم شامل ہیں۔
واضح رہے کہ 3 ایک روزہ میچوں کی سیریز کے پہلے میچ میں بنگلادیش بنگلہ دیش کو پاکستان پر 0-1 کی برتری حاصل ہے۔
پہلے میچ میں بنگلہ دیش نے پاکستان کو 8 وکٹوں سے شکست دی تھی۔
