ہنڈا اٹلس کارز (پاکستان) لمیٹڈ نے سِوک اورئیل کے لیے عیدالفطر کی مناسبت سے محدود مدت کے لیے پروموشنل آفر متعارف کرائی ہے۔
یہ بھی پڑھیں: اٹلس ہنڈا نے موٹر سائیکل کی قیمتوں میں رواں برس چوتھی بار اضافہ کردیا
شرائط و ضوابط کے مطابق اس آفر کے تحت سِوک اورئیل خریدنے والے صارفین کو بغیر کسی اضافی لاگت کے اعلیٰ معیار کا اپ گریڈڈ انٹیریئر فراہم کیا جائے گا۔ صارفین بورگنڈی، ٹین یا بلیک انٹیریئر میں سے اپنی پسند کے مطابق انتخاب کرسکتے ہیں۔ یہ محدود مدت کی آفر 31 مارچ تک دستیاب ہوگی۔
کمپنی کے مطابق یہ پروموشن گاڑی کی اندرونی خصوصیات کو بہتر بنانے پر مرکوز ہے اور براہِ راست قیمت میں کمی فراہم نہیں کی گئی۔ اپ گریڈ شدہ کیبن میٹریل اور فِنِشز صارفین کو مزید پرمیئم احساس فراہم کریں گے۔
یہ بھی پڑھیں: فنانس بل کے تحت لیوی کا نفاذ، ہونڈا اٹلس نے گاڑیوں کی قیمت میں اضافہ کردیا
یہ اقدام ہونڈا کی پچھلی آفر کا تسلسل ہے، جس میں کمپنی نے ایچ آر-وی ماڈلز پر خصوصی پروموشن دی تھی۔ اُس آفر میں ایچ آروی خریداروں کو مفت رجسٹریشن اور بریج اسٹون ٹائرز کے ساتھ 3 لاکھ روپے تک کی بچت حاصل ہوئی جبکہ ایچ آر-وی ایس خریداروں کو مفت رجسٹریشن کے ساتھ 2 لاکھ روپے تک کی بچت دی گئی تھی۔
