اسلام آباد پولیس نے چاند رات اور عیدالفطر کے موقع پر سکیورٹی کو یقینی بنانے کے لیے شہر بھر میں فلیگ مارچ کا انعقاد کیا، جس کا مقصد شہریوں میں احساسِ تحفظ کو مضبوط بنانا ہے۔
یہ بھی پڑھیں:اسلام آباد پولیس اور ریسکیو اداروں کی بروقت کارروائی، خدمت مرکز میں لگی آگ پر قابو پالیا
ترجمان کے مطابق یہ فلیگ مارچ قاضی علی رضا کی زیرِ نگرانی اور آئی جی اسلام آباد کے احکامات پر اسلام آباد پولیس ڈولفن فورس نے کیا۔ فلیگ مارچ سپورٹس کمپلیکس سے شروع ہو کر شہر کے مختلف علاقوں سے گزرتا ہوا دوبارہ وہیں اختتام پذیر ہوا۔
بل
ایس ایس پی آپریشنز کا کہنا تھا کہ اسلام آباد پولیس شہریوں کی جان و مال کے تحفظ کے لیے ہمہ وقت متحرک ہے اور عید کے موقع پر مؤثر سکیورٹی اقدامات کیے گئے ہیں۔ انہوں نے مزید کہا کہ امن و امان کا قیام اور شہریوں کا تحفظ پولیس کی اولین ترجیح ہے، جس کے لیے تمام وسائل بروئے کار لائے جا رہے ہیں۔
