بھارتی ریاست اڈیشہ میں ایک نجی ٹیوٹر نے مبینہ طور پر 14 سالہ طالبہ کو قتل کر دیا، جسے پولیس نے گرفتار کر لیا ہے۔ واقعہ اس وقت پیش آیا جب لڑکی کے اہلِ خانہ نے ملزم کو اس کی نامناسب حرکات پر تنبیہ کی تھی۔
یہ بھی پڑھیں:کینیڈا میں سکھ رہنماؤں کا قتل، بھارت کی ریاستی دہشتگردی کے شواہد بے نقاب
پولیس کے مطابق یہ افسوسناک واقعہ ضلع مایوربھنج میں پیش آیا جہاں 39 سالہ ملزم لڑکی کو ٹیوشن پڑھاتا تھا۔ اہلِ خانہ کو جب اس کی نامناسب حرکات کا علم ہوا تو انہوں نے اسے سختی سے خبردار کیا۔
حکام کا کہنا ہے کہ مبینہ طور پر اس تنبیہ پر ملزم کو شدید رنج ہوا، جس کے بعد اس نے لڑکی کو جمعہ کی شام ملاقات کے لیے بلایا اور ایک ویران مقام پر لے گیا۔ پولیس کے مطابق وہاں دونوں کے درمیان تلخ کلامی ہوئی جس کے بعد ملزم نے پہلے لڑکی کا گلا دبایا اور پھر بیلٹ کے ذریعے اسے قتل کر دیا۔
یہ بھی پڑھیں:دہلی میں ہولناک سانحہ: بیٹے نے ماں، باپ اور بھائی کو قتل کر ڈالا
اگلے روز لڑکی کی لاش اس کے گھر کے قریب جھاڑیوں میں ایک تھیلے سے برآمد ہوئی، جس پر پولیس نے تحقیقات کا آغاز کیا۔ تحقیقات کے دوران ملزم کو حراست میں لے کر پوچھ گچھ کی گئی، جہاں اس نے جرم کا اعتراف کر لیا، جس کے بعد اسے باقاعدہ طور پر گرفتار کر لیا گیا ہے۔ پولیس کے مطابق واقعے کی مزید تحقیقات جاری ہیں۔
