ڈپٹی وزیراعظم و وزیر خارجہ اسحاق ڈار نے متحدہ عرب امارات (یو اے ای) کے نائب وزیراعظم سے ٹیلیفونک رابطہ کیا ہے۔
ترجمان دفتر خارجہ کے مطابق اسحاق ڈار اور شیخ عبداللہ بن زاید النہیان خطے کی بدلتی ہوئی صورت حال پر تبادلہ خیال کیا۔
نائب وزیراعظم اسحاق ڈار نے امن و استحکام کی اہمیت پر زور دیتے ہوئے فوری کشیدگی میں کمی کی ضرورت کا ذکر کیا اور کہاکہ مذاکرات اور سفارت کاری ہی واحد مؤثر راستہ ہیں۔
انہوں نے قیمتی انسانی جانوں کے ضیاع پر گہرے دکھ کا بھی اظہار کیا، جس میں 3 پاکستانی شہری بھی شامل ہیں، اور پاکستان کی متحدہ عرب امارات کے ساتھ پختہ یکجہتی کو دہرایا۔
دونوں رہنماؤں نے عید کی مبارکباد کا تبادلہ بھی کیا اور قریبی رابطے میں رہنے پر اتفاق کیا۔
