وائٹ ہاؤس نے تصدیق کی ہے کہ امریکی صدر ڈونلڈ ٹرمپ اور فیلڈ مارشل سید عاصم منیر کے درمیان مشرق وسطیٰ میں کشیدگی کے معاملے پر ٹیلیفون پر بات چیت ہوئی ہے۔
مزید پڑھیں: ایران اور امریکا آمادہ ہوں تو پاکستان مذاکرات کی میزبانی کے لیے تیار ہے، دفتر خارجہ
غیرملکی میڈیا رپورٹس کے مطابق امریکی صدر ڈونلڈ ٹرمپ کے نمائندہ خصوصی برائے جنوبی ایشیا وِٹکوف اور صدر ٹرمپ کے داماد جیرڈ کشنر کے ممکنہ دورہ اسلام آباد سے متعلق سوال پر وائٹ ہاؤس کی ترجمان کیرولین لیوٹ نے کہاکہ یہ ایک حساس سفارتی بات چیت ہے اور امریکا اس معاملے پر میڈیا کے ذریعے کوئی معلومات فراہم نہیں کرے گا۔
کیرولین لیوٹ نے مزید کہاکہ بدلتے ہوئے حالات میں ملاقاتوں کے حوالے سے قیاس آرائی کو حتمی نہیں سمجھنا چاہیے جب تک وائٹ ہاؤس کی جانب سے باضابطہ اعلان نہ ہو۔
واضح رہے کہ گزشتہ روز مختلف میڈیا رپورٹس میں کہا گیا تھا کہ امریکا کے نائب صدر جے ڈی وینس، وِٹکوف اور جیرڈ کشنر ممکنہ طور پر اگلے ہفتے اسلام آباد میں ایران سے متعلق مذاکرات کی نمائندگی کریں گے۔
اس کے جواب میں ترجمان دفتر خارجہ پاکستان نے کہاکہ اگر تمام فریقین راضی ہوں تو پاکستان ثالثی کے لیے میزبانی فراہم کرنے کے لیے تیار ہے۔
مزید پڑھیں: صدر ٹرمپ کے امریکا ایران مذاکرات کی خبروں پر تیل کی قیمتوں میں نمایاں کمی
میڈیا سے گفتگو میں ترجمان دفتر خارجہ کا کہنا تھا کہ پاکستان خطے میں کشیدگی کے خاتمے اور سفارتی حل کے فروغ کے لیے اپنا کردار ادا کرنے کو تیار رہتا ہے، تاہم کسی بھی ممکنہ مذاکرات کا انحصار متعلقہ فریقین کی رضامندی پر ہوگا۔
